• Afrika Ta Kudu : Jacob Zuma, Ya Yi Murabus

Shugaban Afrika ta Kudu, Jacob Zuma, ya sanar da yin murabus daga mulkin kasar, bayan shafe makwanni yana fuskantar matsin lamba daga jam'iyyarsa ta ANC.

Mista Zuma ya bayyana hakan ne a cikin daren jiya Laraba a wani jawabi da aka watsa kai tsaye a gidan talabijin, inda yake cewa '' Na yanke shawarar yin murabus daga kujerar shugabancin kasa nan take, duk da cewa ina da sabanin ra'ayi da jagorancin jam'iyya ta''.

Zuma ya ce "Na yi wa jama'ar Afirka ta Kudu hidima da dukkan karfina."

Tun a watan Disamba na shekara data gabata ne ake matsa wa Zuma lamba cewa ya yi murabus, saboda fuskantar zarge-zargen cin hanci.

A wani lokaci, nan gaba ne ake sa ran, rantsar da sabon shugaban jam'iyyar ANC, Cyril Ramaphosa, a mastayin sabon shugaban Afrika ta Kudu.

 

Feb 15, 2018 05:52 UTC
Ra'ayi