• An Fara Taron Yan Majalisar Dokokin Kasar Iran Da Tokwarorinsu Na Tarayyar Turai A Tehran

An fara taro tsakanin yan majalisar dokokin kasar Iran da tokwarorinsu na tarayyar Turai a jiya talata a nan Tehran.

Kamfanin dillancin labarai na hukumar Radiyo da Talabijin na kasar Iran ya nakalti Alayaddin Burujardi shugaban komitin tsaron kasa da kuma lamuran kasashen waje na majalisar dokokin kasar Iran yana fadar haka. 

Burujardi ya kara da cewa, ganin yadda matsaloli suke tasowa a ko ina a duniya, da kuma mummun labarai dangane da kasar Iran da ake fada a kasashen waje, sun ga yakamata majalisun biyu su zauna don fahintar juna da kuma yaye kallabin duk wata shubaha wacce ta shigawa yan majalisar dokokin kasashen Turai dangane da kasar Iran.

Burujardi ya kara da cewa a zamansu na jiya yan majalisar dokokin na yankunan biyu sun tattauna batun yaki da ta'addanci, kare hakkin bil'adama, hakkin mata da kuma yerjejeniyar nukliyar kasar Iran tare da manya manyann kasashen duniya.

Tags

Feb 14, 2018 06:16 UTC
Ra'ayi