Aug 20, 2018 18:14 UTC
  • Mahajjata Aikin Hajjin Bana Sun Gudanar Da Tsayiwar Arafah A Filin Arafah A Yau

Mahajjata aikin hajjin bana sun gudanar da tsayiwar arafah a filin arafah na kasar Saudiyya a yau Litinin a matsayin rukunin farko na aikin hajji.

A yau Litinin 9 ga watan Zul-Hajj a bisa kidayar kwanakin watan Zul-Hajji a kasar Saudiyya; Mahajjata aikin hajjin bana da suka zo daga sassa daban daban na duniya sun gudanar da rukunin farko na aikin hajji ta hanyar gudanar da tsayiwar Arafah a babban filin arafah, inda tawagar kasar Iran ta gudanar da addu'ar ranar arfah da aka ruwaito daga Imam Husaini jikan manzon Allah kuma daya daga cikin shugabannin samarin gidan aljanna {a.s} gami da karanta sakon jagoran juyin juya halin Musulunci na Iran Ayatullahi Sayyid Ali Khamene'i ga mahajjatan bana.

A bayan faduwar rana a yau mahajjatan sun kama hanyar tafiya Mash'arul-Haram domin kwana a can, sannan a gobe Talata 10 ga watan zul-Hajj wato ranar babbar sallah bayan fitowar rana zasu kama hanyar tafiya Minna domin gudanar da ayyukan ranar lahiya da suka hada da jifa, yanka da sauransu.

Ra'ayi