• Rasha Ta Ce: Amurka Da Kungiyar Tsaro Ta NATO Zasu Bada Mafaka Ga 'Yan Ta'adda A Afganistan

Wakilin shugaban kasar Rasha na musamman kan harkokin kasar Afganistan ya bayyana cewa: Akwai tarin dalilai da hujjoji da suke nuni da cewar gwamnatin Amurka da kungiyar tsaro ta NATO suna da shirin bada mafaka ga gungun 'yan ta'addan kasa da kasa a kasar Afganistan.

Zamir Kabulov wakilin shugaban kasar Rasha kan harkokin kasar Afganistan ya fayyace cewa: Amurka da kungiyar tsaro ta NATO suke da iko da sararin samaniyar kasar Afganistan, don haka suke son yin amfani da jiragen samansu wajen jigilar gungun 'yan ta'addan kasa da kasa zuwa kasar Afganistan domin basu mafaka bayan da suka sha kashi a kasashen na Iraki da Siriya.

Har ila yau a zantawar da ministan tsaron kasar Iran ya yi da takwararsa na Afganistan a ranar Lahadin da ta gabata; Ministan tsaron Afganistan Tariq Shah Bahrami ya koka kan yadda Amurka take shirya makarkashiyar jigilar gungun 'yan ta'addan kasa da kasa zuwa cikin kasarsa.

Tags

Feb 09, 2018 06:34 UTC
Ra'ayi