• Dakarun Tsaron Yemen Sun Fatattaki Sojojin Saudiya A Yankin Najran

A yayin da jiragen yakin Saudiya sun ruwan bama-bamai kan gidajen fararen hula a kasar Yemen, a nasu bangare dakarun tsaron na yemen sun yi lugudar wuta kan matattarar sojojin hayar saudiya a yankin Najran dake kudancin Saudiya

Kamfanin dillancin labaran Mehr ya nakalto tashar talabijin din Almasira na kasar yemen na cewa a matsayin mayar da martani, dakarun tsaron kasar sun samu nasarar fatattakar sojojin hayar saudiya a kusa da sansanin sojan Albuqa da tsibiran Alib da gabashin Ajashir dake yankin Najran na kudancin Saudiya.

Har ila yau dakarun na yemen sun hallaka sojojin hayar saudiya a Sarawah na jahar Ma'arib dake tsakiyar kasar.

A bangare guda, jiragen yakin saudiya sun yi ruwan bama-bamai a garin Al Luḩayyah na jahar Al-hadida, da kuma sansanin sojojin Dailami na garin sana'a a wannan Litinin.

Tun a 2015 ne dai sojojin na kasar Saudiyya suka fara kai hari akan kasar Yemen tare da cikakken goyon bayan Amurka, wanda kawo ya zuwa yanzu ya ci fiye da rayuka 12,000 bisa kididdigar Majalisar Dinkin Duniya.

A halin da ake ciki a yanzu a kasar Yemen din tana fama da cutar kwalara wacce hare-haren na Saudiyya suka jawo ta ta hanyar gurbata ruwan sha.

Feb 12, 2018 11:45 UTC
Ra'ayi