Mar 21, 2019 09:51 UTC
  • Wani Matashin Bapalastine Ya Yi Shahada A Baitu-Laham

Wani matashin bapalastine ya yi shahada yayin da wasu uku na daban suka jikkata, sanadiyar buda wuta da Sojojin sahayuna suka yi a garin Baitu-laham na yankin kogin jodan

A cikin wata sanarwa da ta fitar, ma'aikatar kiyon lafiya ta Palastinu ta ce a daren jiya laraba wani matashin Bapalastine mai shekaru 28 a Duniya ya yi shadaha sanadiyar halbi da bindiga  da jam'ian tsaron Sahayuna suka yi masa, yayin da wasu na daban kuma suke ci gaba da jiya a asibiti.

Yayin da ake shirin cikar shera guda da fara zanga-zangar neman dawo da hakin kasa, matasan Palastinawan sun dauki alwashin ci gaba da zanga-zangar har zuwa lokacin da za a kawo karshen killacewar da aka yiwa yankin Zirin Gaza.

Ana sa ran milyoyin jama'a ne za su fito a zanga-zangar mako mai zuwa na cikar shekara guda da fara zanga-zangar neman dawo da hakkin kasa a yankin na Palastinu, kuma tuni kungiyoyin gwagwarmayar Palastinawa suka fara gudanar da shirye-shiryen wannan zanga-zanga.

Daga ranar 30 ga watan Maris din shekarar da ta gabata zuwa yanzu, sama da Palastinawa 270 ne suka yi shahada ta hanyar harshashen jami'an tsaron haramtacciyar kasar Isra'ila.

Tags

Ra'ayi