• Ադրբեջանական զինված ուժերը որևէ նոր տեղաշարժ չեն ունեցել. Արծրուն Հովհաննիսյանը հերքում է

Ինչպես արդեն հայտնել ենք՝ Զանգակատան գյուղապետի պաշտոնակատար Հովիկ Կարապետյանը News.am-ի հետ զրույցում ասել է, որ գյուղին հարակից տարածքում ադրբեջանական կողմն առաջ է բերել իր դիրքերը, ինչի հետևանքով միջդիրքային տարածությունը բավականին կրճատվել է ու 11 հա ցանքատարածություններ հայտնվել են կրակի տակ։

Գյուղապետի ասածի իրողությունը պարզելու համար, Henaran.am-ը կապվեց ՊՆ մամուլի քարտուղար Արծրուն Հովհաննիսյանի հետ, վերջինս մեզ հետ զրույցում, փաստեց՝ Արարատի մարզի Զանգակատուն գյուղի ուղղությամբ ադրբեջանական զինված ուժերը որևէ նոր տեղաշարժ չեն ունեցել «Գյուղապետի ասածի մեջ որևէ նոր բան չկա։ Որևէ նոր տեղաշարժ չի եղել։ Խոսքն ամիսներ առաջ արդեն քննարկված դիրքային տեղաշարժի մասին է։ Այդ առումով էլ կրկնում եմ նախկինում ասված խոսքերը՝ հակառակորդը տեղաշարժեր էր արել իր տարածքում, կրկնում եմ՝ իր տարածքում, որի նկատմամբ հայկական զինված ուժերը երբեք չեն ունեցել վերահսկողություն», – ասաց Հովհաննիսյանը։ Նա նշեց, որ առաջիկա օրերին Պաշտպանության նախարարի պաշտոնակատար Դավիթ Տոնոյանը հանդես կգա մամուլի ասուլիսով, որի ընթացքում այս հարցին նույնպես կանդրադառնա։

meganews.am

 

 

Պիտակ

Nov 11, 2018 17:35 Asia/Yerevan
Մեկնաբանություններ