Jan 16, 2019 17:09 Asia/Tehran
  • Գեներալ-մայոր Ջաաֆարի.«Նեթանյահուի կողմից Իրանի դեմ հնչած սպառնալիքը ծիծաղելի է»

Իսլամական հեղափոխության պահապանների կորպուսի գլխավոր հրամանատարն ասել է.«Սիոնիստական ռեժիմի վարչապետի կողմից Իրանի դեմ հնչած սպառնալքը զավեշտալի է»:

Սիոնիստական ռեժիմի վարչապետ Բենիամին Նեթանյահուն,  բացահայտորեն սպառնացել Իրանին: Նա ասել է.«Եթե Իրանն անհապաղ իր ուժերին դուրս չբերի Սիրիայից, Իսրայելը կշարունակի իր հարձակումներն Իրանի դիրքերի դեմ»:

Իրանի ռադիոհեռուստատեսության լրատվական ծառայության հաղորդման համաձայն՝ Իսլամական հեղափոխության պահապանների կորպուսի գլխավոր հրամանատար, գեներալ-մայոր Մոհամմադ Ալի Ջաաֆարին ասել է.«Իրանը կպահպանի Սիրիայում գտնվող իր խորհրդատուներին ու կարողությունները»:

Նշելով, որ Իրանը Սիրիայում ռազմական ստորաբաժանում չունի, գեներալ Ջաաֆարին հավելել է.«Իրանի ռազմական ստորաբաժանումների հզորությունն այն աստիճան է, որ եթե թշնամիները նույնիսկ դրանցից մեկը  Սիրիայում տեսնեն, տեղում կչորանան»:

Իսլամական հեղափոխության պահպանների կորպուսի գլխավոր հրամանատարն ընդգծել է.«Եթե Իրանը համբերատար է Սիոնիստական ռեժիմի զավեշտալի սպառնալիքների նկատմամբ, դրանում մեծ իմաստություն է թաքնված»:

Մեկնաբանություններ