• Թուրքիան ակնկալում է, որ Թիլերսոնի այցից հետո ԱՄՆ-ն կկատարի իր խոստումները. Չավուշօղլու

Անկարան ակնկալում է, որ Թիլերսոնի այցից հետո ԱՄՆ-ն կկատարի իր խոստումները:

Այս մասին կիրակի օրը Մյունխենյան անվտանգության համաժողովի ժամանակ հայտարարել է Թուրքիայի արտաքին գործերի նախարար Մեւլութ Չավուշօղլուն, փոխանցում է «ՏԱՍՍ»-ը:

«Սիրիայի հարցում մենք չպետք է տարակարծություններ ունենանք մեր գործընկերների հետ: Մենք որոշակի պայմանավորվածություններ ունենք ԱՄՆ-ի հետ, որոնց մասին խոսել ենք Ռեքս Թիլերսոնի հետ: Մենք համարում ենք, որ այս անգամ ԱՄՆ-ն պետք է կատարի իր խոստումները»,- ասել է նա:

Չավուշօղլուն կրկին անընդունելի է անվանել ամերիկացիների՝ Սիրիայում «Իսլամական պետություն» ահաբեկչական խմբավորման դեմ «Ժողովրդական ինքնապաշտպանական ուժերի» (ԺԻՈՒ) ջոկատների հետ համատեղ պայքարելու որոշումը, որոնց Անկարան Քրդիստանի աշխատավորական կուսակցության սիրիական մասնաճյուղ է համարում:

News.am

 

Պիտակ

Feb 18, 2018 21:54 Asia/Yerevan
Մեկնաբանություններ