• Նորվեգիան դադարեցրել է զենքի եւ զինամթերքի արտահանումը ԱՄԷ

Նորվեգիան դադարեցրել է զենքի եւ զինամթերքի արտահանումը Միացյալ Արաբական Էմիրություններ՝ որոշումը «խիստ նախազգուշական միջոց» անվանելով, որը հիմնված է «Եմենի իրավիճակի համապարփակ գնահատանքի վրա»:

Սաուդյան Արաբիայի ղեկավարած կոալիցիան երեք տարի շարունակ Եմենում պայքարում է հուսի հետ: ԱՄԷ-ն կոալիցիայի մաս է կազմում:

Նորվեգիայի արտաքին գործերի նախարար Ինե Էրիքսեն Սորեիդեն հայտարարել է, որ Նորվեգիայից արտահանվող զենքի՝ Եմենում օգտագործման մասին որեւէ տեղեկություն չունի, սակայն  «մեծ խնդիր կա» հումանիտար ճգնաժամի պատճառով:

Նա հավելել է, որ 2010 թվականից ի վեր Նորվեգիան թույլատրել է զենքի եւ զինամթերքի վաճառքը ԱՄԷ-ին: Վաճառքի կասեցման մասին որոշումը կայացվել է դեկտեմբերի 19-ին, ինչի մասին հայտարարվել է երեքշաբթի օրը՝ հունվարի 3-ին:

News.am

 

Պիտակ

Jan 03, 2018 19:42 Asia/Yerevan
Մեկնաբանություններ