• Хошру: АҚШ сионистер мен саудиялықтарға әскери емес халыққа шабуыл жасауға рұқсат берді

БҰҰ-дағы Иранның тұрақты өкілі сейсенбі күні сионистік режим мен Сауд режимінің әскери емес қарапайым халыққа қарсы шабуылдарында Қауіпсіздік кеңесінің мүшесі АҚШ-тың қолдауына ие болғанына тоқталып: "Вашингтон бұл екі режимді қол сұқпаушылық құқығымен қамтамасыз етіп отыр",- деді.

IRNА ақпарат агенттігінің мәліметі бойынша, Ғоламали Хошру БҰҰ Қауіпсіздік кеңесінің жалпы отырысында қарулы қақтығыстардағы әскери емес қарапайым халыққа қолдау көрсетуді, әртүрлі елдерге, атап айтқанда Палестина мен Йемендегі қарапайым халық пен жедел жәрдем күштеріне қарсы шабуылдарды айыптап: "Газа секторындағы палестиналықтарды, соның ішінде балалар мен әйелдерді қырудың жаңа кезеңі – сионистік режимнің өткен 70 жылдағы палестиналықтарға қарсы қылмыстарының жалғасуы",- деп баса айтты.

БҰҰ-дағы Иранның тұрақты өкілі Сауд режимінің Йеменге шабуыл жасап, мыңдаған әскери емес адамды, әсіресе балалар мен әйелдерді қыруына сілтеме жасап: "Сауд Арабиясы  жазықсыз халықты қыруымен бірге бұл елдің ауруханаларын, мектептері мен азық-түлік шығаратын орталықтар сынды инфрақұрылымдарын  нысанаға алуда",- деді.

Хошру бұл шабуылдар мен қылмыстардың БҰҰ мен оның Қауіпсіздік кеңесінің алдында іске асырылып жатқанына тоқталып: "Сионистік және саудиялық режимдер АҚШ-тың әскери, жаттықтыру және логистикалық қолдауларына ие",- деді.                                                                                                                                                                           

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    

                                                                                                                                                                                                                                                                                                                                                                                                                                                                                                                                                                                        

 

Тегтер

Мамыр 23, 2018 13:39 Asia/Almaty
Сараптама