• Лондон химиялық шабуылды қайталады деген айыппен Мәскеуге қарсы жанжал бастады

Ұлыбритания Ресейді бұл елдің азаматтарына қарсы химиялық шабуыл жасады деп қайтадан айыптады. Британия Қорғаныс министрі Гэвин Уильямсон Ресейді екі британиялық азаматтың "новичок" деп аталатын жүйкелік-салдандырушы уландырғыш затпен улануына жауапты деп атады. Уланған адамдардың біреуі Дон Стерджесс жексенбі күні ауруханада қайтыс болды.

Ұлыбритания Қорғаныс министрі айыптауларын елінің Парламентінде британиялық азаматтарға қарсы қоқан-лоққылар туралы сұраққа жауап ретінде баяндап: "Шындық – Ресейдің ұлыбританиялық азаматтың өліміне себеп болған химиялық шабуылды іске асыруында. Әлем бұл әрекетті бірауыздан айыптауы керек",- деп мәлімдеді. Бұл екі адамның улануы осыдан бірнеше ай бұрын, нақтырақ айтқанда 2018 жылдың наурыз айының күні  Ұлыбританияның оңтүстік-батысындағы Солсбери қаласындағы ресейлік Сергей Скрипаль мен қызының  улануына ұқсас болғандықтан ақпарат құралдары мен қоғамдық пікірдің ерекше назар аударуына себеп болды. Скрипаль мен қызының улануы Ұлыбритания мен Ресей қарым-қатынастарындағы бұрын-соңды болмаған қайшылықтарға себеп болып, екі тараптың біраз дипломаттарын елдерінен шығарып жіберуіне дейін жеткізді.

Ұлыбритания Қорғаныс министрінің осы саладағы айыптау жобаларын Ресейге қарсы жаңа саяси әрі үгіт-насихаттық шабуылдың басталуы деген ой туады. Негізінде, Ресей мен Батыстың арасындағы суық әрі қайшылықтарға толы қарым-қатынас химиялық шабуыл туралы жаңа уәждері арқылы жаңа жағдайға ұласты. Енді тағы екі британиялық азамат уланды. Алайда бұл елдің Қорғаныс министрінің қандай құжатқа сүйеніп, бұл оқиғаны Ресеймен байланыстырғаны белгісіз. Британияның химиялық қаруларды зерттеушілері Солсбери оқиғасында «скрипальдер» уланған химиялық заттың Ресейде жасалғанын дәлелдей алмады. Ұлыбритания Армиясының қарамағындағы "Портдаун" зертханасының директоры Гарри Айткенхид зертхана мамандарының «скрипальдер» уланған химиялық заттың Ресейде жасалғанын дәлелдей алмағанын айтты.

Бұған керісінше жүйкелік-салдандырушы улы  "новичок" затының 20 елде шығарылатыны анықталды. Сондықтан, Ресейді Ұлыбританиядағы соңғы улану оқиғаларына қатысты деп айыптау – дәлелденбеген мәселе. АҚШ Президенті Дональд Трамп пен Ресей Президенті Владимир Путиннің шілденің 16 күнгі Хельсинкидегі кездесулері  қарсаңындағы    бұл оқиға Ресей мен Батыс қайшылқтарын арттыруды көздейтін арандатушы әрекет болуы мүмкін. Еуропалықтар бұл кездесудің нәтижелеріне, әсіресе Трамптың ресейліктерге кейбір артықшылықтар беріп, орнына Вашингтонның мүдделеріне ие болуы мүмкіндігіне  алаңдауда.  Осыдан бірнеше күн бұрын Еуроодақ Мәскеуге Украина дағдарысында Брюссельдің ұстанымын қолдату саласында қысым көрсету үшін Ресейге қарсы санкцияларын создған болатын.

 

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

 

 

Тегтер

Jul 11, 2018 17:01 Asia/Almaty
Сараптама