Sep 12, 2018 14:39 Asia/Kabul
  • په پکتیکا ولایت کې له چاودېدونکو توکو ډک لاری موټر نیول شوی

د افغانستان ملی امنیت ریاست وایی؛ د دې ریاست ځانګړی قطعې د پکتیکا ولایت په ارګون ولسوالی کې له چاودېدونکو توکو ډک موټر نیولی دی.

د ملی امنیت ریاست په یوه بیان کې ویلی، چې له یاد موټر څخه چاودېدونکې توکې کشف او ترلاسه شوی.

خبرپانه زیاتوی، چې چاودېدونکې په دغه موټر کې، د امونیم نایټریټ مواد په ۶۲ بوجې کې ځای پر ځای شوی و، او هغه وخت د ملی امنیت ځواکونو له خوا ونیول شو، چې د پاکستان له وانا څخه د غزنی په لور روان و.

د وسله والو طالبانو په ګډون د دولت ضد وسله والې ډلې تر اوسه په دې اړه څه نه دی ویلی.

د دولت ضد وسله والې ډلې اکثراً له امونیم نایټریټ څخه د سړک په غاړې په ماینونو کې کار اخلی؛ په داسې حال کې چې افغان چارواکی وایی په دغو بریدونو کې اکثرا عام وګړی وژل کیږی.

په افغانستان کې د ملګرو ملتونو مرستندویه پلاوی« یوناما » وایی؛ چې د ۲۰۱۸ کال د جنوری له لومړۍ نېټې څخه د جون تر ۳۰ نېټې پورې، ۱۶۹۲ تنه ملکی وګړی وژل شوی، چې  د دولت ضد عناصرو له خوا په بریدونو کې د ځای پر ځای شوی چاودیدونکو توکو کارول، د ملکی تلفاتو مخکښ لامل ګڼل کېږی.

د یوناما په وینا، د دولت ضد عناصرو له خوا د ځای پر ځای شویو چاودیدونکو فشاری توکو روانې بې توپیره او ناقانونه کارونې ۳۱۴ ملکی تلفات (۱۱۴ مړینې او ۲۰۰ ټپیان)  اړولی، چې زیاتره یې طالبانو ته منسوب شوی.

کمنټونه