Mar 16, 2019 07:37 Asia/Kabul
  • د پاکستان وزیراعظم د ایران قدرونه وکړه

د پاکستان وزیراعظم د اسلام آباد او تهران د اړیکو له مخکښې نه په زیاتې پياوړتیا باندې په ټینګار سره وویل: پاکستان په سختو وختونو کښې د ایران د اسلامي جمهوریت مرستې هیڅ کله نه هیروي.

عمران خان پرون د پاکستان د شمال لویدیځ په باجوړ کښې د خپلو پلویانو په ټول کښې وویل: ایران د پاکستان لپاره یو دوست هیواد دی او دواړه هیوادونه له پخوا راهیسې ورورولیزې اړیکې لري.

هغه د اسلامي ایران له ولسمشر حسن روحاني سره خپلو وروستیو ټیلیفوني خبرو ته په اشارې سره زیاته کړه چې د ایران اسلامي جمهوریت د پاکستان یو ډیر نزدې ګاونډی او ورور هیواد دی او په راتلونکي کښې به د دې دواړو هیوادونو ترمینځ اړیکې له مخکښې نه زیاتې پیاوړې شي.

عمران خان همداشان له نوي ډیلي سره د اسلام آباد د اړیکو په هکله وویل چې پاکستان چمتو دی د پرمختګ او سوکالتیا په موخه له هندوستان سره خبرې اترې وکړي.

هغه ټينګار وکړ چې پاکستان د جنګ مخالف او د صلحې غوښتونکی دی خو د پاکستان صلحه ایز نرمښت دې د دې هیواد کمزوري ونه ګڼله شي.

 

ټیګونه

کمنټونه