Apr 24, 2019 16:06 Asia/Kabul
  • د کولمبو د ترهګرو چاودنو عاملان په بریتانیا او آسټریلیا کښې روزل شوي وو

د سري لنکا دفاع وزیر وویل چې د دغه هیواد په پلازمینې کولمبو ښار کښې د وروستیو ترهګرو بمي چاودنو دوو عاملانو په بریتانیې او آسټریلیا کښې زده کړه کړې وه.

سکای نیوز چینل خبر ورکړی چې د سري لنکا د دفاع وزیر رووان ویجردنی نن وویل: په کولمبو کښې د تیرې یکشنبې په چاودنو کښې نهو تنو ځانمرګو ترهګرو لاس درلود چې اته تنه یې پیژندل شوي دي او په هغو کښې دوه تنه په بریتانیا او آسټریلیا کښې زده کړه کړې وه.

د سري لنکا دفاع وزیر وویل چې د کولمبو د وروستیو چاودنو په تړاو د اتلسو نورو شکمنو کسانو په نیول کیدو سره د نیول شویو ټول شمیر ۵۸ ته ورسید.

د ویلو ده چې د تیر اتوار په ورځ د کولمبو ښار په څو کلیساؤ او هوټلو کښې د ترهګرو چاودنو له امله ۳۵۹ کسان وژل شوي او له ۵۰۰ زیات نور زخمي شوي دي.

داعش ترهګرې ډلې د دغو ترهګرو حملو پړه منلې ده.

 

 

ټیګونه

کمنټونه