• Irani: Britania tregton interesat e saj ekonomike me koston e paqes globale

Teherani ka kundërshtuar liderët britanikë mbi deklaratat e tyre kundër Iranit gjatë vizitës së parë zyrtare të princit të kurorës së Arabisë Saudite, duke u bërë thirrje atyre të ndalojnë tregtinë e paqes dhe sigurisë globale për interesat ekonomike.

"Është një shaka interesante që autoritetet britanike, në takimin e tyre me zyrtarët e një vendi të tillë si Arabia Saudite e cila është agresore kundër Jemenit dhe shkaku i një tragjedie humanitare dhe krimeve të luftës në këtë vend dhe burimi kryesor, promotori dhe sponsori i ekstremizmit, terrorizmit dhe konflikteve në Lindjen e Mesme dhe në botë, po bëjnë deklarata të tilla kundër Iranit, "tha të enjten zëdhënësi i Ministrisë së Jashtme të Iranit,  Behram Kasemi. "Britania dhe vendet e tjera duhet të marrin qasje të përgjegjshme, të bëjnë presion mbi Riadin për të ndaluar gjakderdhjen në Jemen dhe eksportimin e ideologjive terroriste dhe të mos tregtojnë interesat e tyre ekonomike në kurriz të paqes dhe sigurisë globale", shtoi Kasemi. "Bashkimi i Britanisë me Riadin e bën më të rëndë përgjegjësinë e këtij vendi në formimin, përshkallëzimin dhe vazhdimin e krizave në rajonin e Azisë Perëndimore dhe do ta bëjë më të vështirë, të zgjatur dhe të kushtueshme arritjen e paqes dhe bashkëpunimit midis shteteve rajonale ", tha zëdhënësi i Ministrisë së Jashtme të Iranit.

 

Mar 08, 2018 20:09 Europe/Tirane
Komente