• Merkel i paralajmëron vendet e Evropës Lindore

Kancelarja gjermane, Angela Merkel, ka paralajmëruar se vendet që nuk marrin pjesë në skemën e shpërndarjes së emigracionit në Evropë mund të marrin një përgjigje negative nëse kërkojnë ndihmë në fusha të tjera, raporton AFP.

Nëse nuk ka solidaritet për migracionin, nuk do të ketë gjëra të tilla në sfera të tjera dhe kjo do të pasqyrojë keq në kohezionin evropian”, tha Merkel. Komentet e kancelares mund të interpretohen si një paralajmërim për shtetet e Evropës Lindore që marrin miliarda euro nga anëtarësimi në BE, ndryshe nga vendet donatore, si Gjermania. Merkel theksoi se shpërndarja e refugjatëve mes vendeve të BE-së do të jetë vetëm pasi politika e migracionit të Bashkimit të marrë një bazë solide. “Mund të jetë më e lehtë për të arritur një mekanizëm të ngjashëm alokimi në Evropë, nëse të gjitha elementet e tjera të politikave të refugjatëve dhe migracionit do të bëhen më të qëndrueshme”, shtoi ajo. “Nëse merren me sukses shkaqet e migracionit, mbrojmë në mënyrë efektive kufijtë tanë, kemi një partneritet me Afrikën dhe ndalojmë trafikimin, atëherë mosbesimi për migracionin legal do të refuzohet”, tha Merkel

Sep 12, 2017 13:48 Europe/Tirane
Komente