Maj 16, 2018 19:26 Europe/Tirane
  • Tusk: Me miq si Trump s'kemi nevojë për armiq!

Presidenti i Këshillit Evropian, Donald Tusk ka kritikuar “prepotencën” e Shteteve të Bashkuara nën presidentin Donald Trump, duke thënë se ky qëndrim ia ka hequr “Evropës të gjitha iluzionet”.

Sipas Reuters, Tusk i bëri këto komente sot në Sofje të Bullgarisë, para samitit të Bashkimit Evropian, ku do të diskutohet vendimi i SHBA-së për të braktisur marrëveshjen bërthamore me Iranin dhe kërcënimi për të vendosur tarifa të reja mbi aluminin dhe çelikun. “Përveç sfidave tradicionale politike, siç është rritja e Kinës apo qëndrimi agresiv i Rusisë, ne jemi dëshmitar të një fenomeni të ri: Prepotenca dhe arroganca e administratës amerikane”, u shpreh Tusk. “Duke shikuar vendimet e fundit të presidentit Trump, dikush mund edhe të mendoj: me shok të tillë, kujt i duhen armiq”, shtoi ai. “Por, sinqerisht, Evropa duhet të jetë mirënjohëse ndaj presidentit Trump sepse falë atij, ne kemi hequr dorë nga të gjitha iluzionet”, ka thënë tutje Tusk.

 

Komente