Май 15, 2019 14:27 Asia/Dushanbe
  • Солрӯзи вафоти ҳазрати Хадиҷаи кубро (с) таслият бод

Даҳуми моҳи мубораки Рамазон, солрӯзи вафоти ҳазрати Хадиҷа (с), ҳамсари гиромии ҳазрати Муҳаммад (с), паёмбари ислом аст.

Ҳазрати Хадиҷа (с), ки аз занони номдор ва сарватманди Қурайш буд, понздаҳ сол қабл аз беъсат бо паёмбари гиромии ислом (с) издивоҷ кард .

Ин бонуи бузургвор, нахустин зане буд, ки ба рисолати паёмбар имон овард ва бо тамоми тавон ва сарвати худ ба ёрии дини ислом бархест .

Ҳазрати Хадиҷа (с) қабл аз ислом низ ба хотири доро будани сифоти писандида ва фазоили ахлоқӣ ва покдоманӣ, тоҳиралақаб гирифта буд .

 Вуҷуди ҳазрати Хадиҷа (с) барои паёмбари гиромии ислом (с) ба қадре аҳаммият дошт, ки паёмбари акрам (с) риҳлати ин бонуи бузургро мусибате азим хонданд ва соли риҳлати ҳазрати Хадиҷа (с) ва ҳомии бузурги дигари худ яъне амуи худ ҳазрати Абутолиб (а)-ро омалҳазн яъне соли андуҳ номиданд.

Мардуми муъмин ва Худоҷуи Эрон дар солрӯзи вафоти ҳамсари гиромии паёмбари гиромии ислом (с) бо ҳузур дар масоҷид ва дигар маконҳои мазҳабӣ, азодорӣ мекунанд.

Радиои тоҷикӣ  фаро расидани солрӯзи вафоти ҳазрати хадиҷа (с)-ро ба ҳамаи дӯстдорони аҳли байти гиромии паёмбари ислом ва дигар озодихоҳони ҷаҳон таслият мегӯяд .

 

 

 

Назарҳо