• Карлуш Кейруш
    Карлуш Кейруш

Эрон терма жамоаси бош мураббийи Карлуш Кейруш Тошкентда Ўзбекистонга қарши кечган ва эронликларнинг 1:0 ҳисобидаги ғалабаси билан якунланган ўртоқлик учрашувидан сўнг ўтказилган матбуот анжуманида қатнашди.

«Бугун жуда ҳам чиройли ўйин бўлди. Иккала жамоа ҳам яхши ўйин кўрсатди. Ҳар икки жамоани бундай ўйин билан табриклайман. Бугунги ўйиндаги натижа муҳим эмас эди. Шунга қарамай, ўйин жуда ҳам қизиқарли бўлди. Бу ўйин Осиё кубогига тайёргарлик вазифасини ўтайди.

Осиё кубогида натижа кўрсатиш жуда қийин. Осиёдаги кўплаб жамоалар чемпион бўлишни хоҳлашади. Бу жуда қийин жараён. Келажагим хақида гапирсам, мен ҳали ҳам шартнома имзолаганим йўқ. Кутиш жараёнидаман.

Эктор Купер жамоани қабул қилиб олганига бир ой бўлди. Унга вақт бериш керак. Ўзбекистонликлар мураббийга ишониши керак. Жамоа аста-секин ўсишни бошлайди.

«Биз икки хил бўлим гувоҳи бўлдик. Биринчи бўлимда футболчилар ёмон таассурот қолдиришмади, футболчилар нисбатан яхшироқ ўйнашди. Рақиб ҳам оддий жамоа эмас эди. Шунга қарамасдан, футболчилар муносиб қаршилик кўрсатишди. Аммо иккинчи бўлимда футболчилар чарчаб қолишди. Бу менинг айбим бўлиши ҳам мумкин, жисмоний тайёргарлик жойида бўлмаган бўлиши мумкин.

Биз ёшларга ҳам эътибор беришни бошлаганмиз. Ўзбекистон олимпия жамоасидан бир неча футболчини кўз остимга олиб қўйганман. Октябрдаги ўйинларга ёшлар терма жамоасидан ўйинчилар чақирилади. Ҳатто, терма жамоа ўйинларида умуман иштирок этмаган футболчиларни ҳам кўрасиз. Биз ёшлар терма жамоасини нафақат Индонезияда кузатдик, балки аввалги турнирлардаги иштирокини ҳам ўргандик. Бу жамоада бир неча яхши футболчилар бор. Улар Осиё ўйинларида бўлгани учун бу футболчиларни йиғинга жалб эта олмагандим», - дея Купернинг сўзларини келтирган «Kun.uz» мухбири.

Ўзбекистон терма жамоаси 11 сентябрь куни Тошкентда ўтказилган ўртоқлик баҳсида Эронга 0:1 ҳисобида ютқазди.

Натижада, «оқ бўрилар»нинг ғалабасиз ўйинлар серияси яна биттага кўпайди. Сўнгги бор 2017 йилнинг 6 июнь куни, Тошкентда ўтказилган ўртоқлик ўйинида Таиландни 2:0 ҳисобида енгган терма жамоа қаторасига 10та баҳсдан буён ғалаба нималигини билмаяпти. Бу терма жамоа тарихидаги антирекорддир.

Ёрлиқ

сентябр 12, 2018 10:23 Asia/Tashkent
Шарҳ