سرطان 02, 1400 08:47 Asia/Kabul
  • پناهنده شدن بیش از 130 نظامی افغان به تاجیکستان
    پناهنده شدن بیش از 130 نظامی افغان به تاجیکستان

کمیته دولتی امنیت ملی تاجیکستان از پناهنده شدن ۱۳۴ نظامی افغانستان به این کشور خبر داد .

 کمیته دولتی امنیت ملی تاجیکستان در اطلاعیه ای وضعیت مرز این کشور و افغانستان را وخیم خواند و افزود، روز دوشنبه گروه طالبان به کمیساریای مرزی «شیرخان بندر» ولایت قندوز حمله کرد که در نتیجه، نیروهای دولتی افغانستان به منظور نجات خود از طریق پاسگاه های مرزی به قلمرو تاجیکستان پناه آوردند.

این گزارش افزود، مرزبانان تاجیک با رعایت اصول انسانی و حسن همجواری به نظامیان افغان اجازه ورود آزادانه به خاک تاجیکستان را دادند که در میان آنها 4 زخمی و یک تن کشته وجود داشت.

دولت افغانستان تاکنون در این باره اظهارنظری نکرده است. 

شیرخان بندر یک نقطه مهم تجاری، بارگیری و انتقال محموله های بین تاجیکستان و افغانستان است و بخش مهمی از واردات کالاهای کشورهای جنوب و جنوب شرقی آسیا از طریق آن انجام می شود.

کشته شدن شماری از نظامیان افغان در حمله گروه طالبان

کلیدواژه