میزان 06, 1400 18:31 Asia/Kabul
  • رژه نظامیان تاجیکستان در مناطق هم‌مرز با افغانستان
    رژه نظامیان تاجیکستان در مناطق هم‌مرز با افغانستان

رئیس جمهوری تاجیکستان از رژه نظامی این کشور با مشارکت دو هزار سرباز و افسر در منطقه هم مرز با افغانستان بازدید کرد.

به گزارش رادیودری، در این رژه نظامی در منطقه «درواز» بدخشان تاجیکستان، سربازان و افسران نیروهای مرزبانی، نیروهای زمینی وزارت دفاع و نمایندگان نهادهای انتظامی این کشور حضور داشتند.

«امامعلی رحمان» رئیس جمهور تاجیکستان در این رزمایش با تبریک روز استقلال این کشور، سربازان تاجیک را به دفاع از سرزمین مادری شان فراخواند.

پیش از این رئیس جمهور تاجیکستان در سخنرانی خود در مجمع عمومی سازمان ملل متحد با انتقاد از سکوت سازمان‌های حقوق بشری در قبال افغانستان، بر ضرورت تشکیل دولت فراگیر و برگزاری همه‌پرسی برای تعیین ساختار دولت این کشور تاکید کرد.

به دنبال آن «ملا عبدالغنی برادر» معاون دولت موقت گروه طالبان در افغانستان نیز در گفتگو با شبکه تلویزیونی الجزیره گفت: تاجیکستان با دخالت در امور افغانستان  با هر اقدامی در این کشور مخالفت می کند.

رژه طالبان در سالروز استقلال افغانستان

کلیدواژه