جدی 09, 1400 10:23 Asia/Kabul
  • ازبکستان و تاجیکستان ده‌ها هواپیمای نظامی افغانستان را نگه می‌دارند
    ازبکستان و تاجیکستان ده‌ها هواپیمای نظامی افغانستان را نگه می‌دارند

کشورهای ازبکستان و تاجیکستان از امریکا درخواست کردند که تعدادی از هواپیماهای افغانستان را که در جریان سقوط کابل به این کشورها برده شده‌اند را نگه دارند.

خبرگزاری رویترز به نقل از مقامات امریکایی گفته‌است که حکومت امریکا درخواست این دو کشور را در زمینه نگه‌داری تعدادی از هواپیماهای افغانستان بررسی می‌کند.این در حالی ‌است که بر اساس تخمین خلبانان افغان، آن‌ها در جریان سقوط کابل ۴۶ هواپیما را به ازبکستان و ۱۷ هواپیمای دیگر را به تاجیکستان برده‌اند.این هواپیماها از سوی امریکا در اختیار نیروهای امنیتی حکومت پیشین قرار گرفته‌بود.

طالبان بارها از ازبکستان خواسته‌اند تا هواپیماهای یادشده را به آن‌ها تحویل دهد؛ درخواستی که علیرغم روابط سیاسی تاشکند – کابل، هنوز اجابت نشده‌است.

ده‌ها خلبان نیروی هوایی افغانستان هم که در جریان سقوط به کشور تاجیکستان رفته‌بودند پس از چند ماه بلاتکلیفی به تاریخ ۱۸ عقرب توسط امریکا به کشور سوم منتقل شدند.این گروه از خلبانان در پایان جنگ افغانستان با هواپیماهای نظامی به تاجیکستان رفتند و توسط مقامات تاجیک بازداشت شدند و منتظر انتقال به ایالات متحده بودند.این گروه از نظامیان افغان، آخرین تیم عمده خلبانان آموزش‌دیده توسط امریکا بود که با تسلط طالبان به خارج از افغانستان گریخت و در تاجیکستان در بلاتکلیفی به سر می‌برد.

درخواست طالبان برای بازگشت خلبانان افغان به افغانستان

 

کلیدواژه