Սեպտեմբեր 21, 2020 13:25 Asia/Tehran
  • Հայաստանի ՊՆ-ն հերքում է Ադրբեջանի տարածած հայտարարությունը

Հայաստանի պաշտպանական գերատեսչությունը կրկին հիշեցնում է, որ ռիսկերի նվազեցման մեխանիզմների բացակայությունը մեծացնում է սահմանային լարվածությունը։

ՀՀ պաշտպանության նախարարությունը վստահեցնում է, որ հայկական անօդաչու թռչող սարք խոցելու լուրը ապատեղեկատվություն է։

Կիրակի Ադրբեջանի պաշտպանության նախարարությունը հայտարարել է, որ հակաօդային պաշտպանության ստորաբաժանումները ՀՀ զինված ուժերին պատկանող մարտավարական անօդաչու թռչող սարք են խոցել: Իսկ այսօր` սեպտեմբերի 21-ին, նույն գերատեսչությունը հայտնել է, որ հայ-ադրբեջանական սահմանին «հայկական սադրանքի» հետևանքով զոհվել է կրտսեր սերժանտ Էլշան Մամեդովը:

«Հերթական անգամ ցանկալին փորձում են ներկայացնել որպես իրականություն»,- Sputnik Արմենիային ասաց ՊՆ մամուլի քարտուղար Շուշան Ստեփանյանը` մեկնաբանելով ԱԹՍ խոցելու լուրը։

Նա անդրադարձավ նաև ադրբեջանցի զինվորականի մահվանը վերաբերող տեղեկությանը։

«Մենք բազմիցս հայտարարել ենք, որ հայ-ադրբեջանական սահմանին ռիսկերի նվազեցման մեխանիզմների բացակայությունն անընդունելի է և նպաստում է լարվածությանը։ Ինչ վերաբերում է զոհին, նման ինֆորմացիա չունենք», - ասաց Ստեփանյանը:

Հիշեցնենք, որ սեպտեմբերի 16-ին ՀՀ ԶՈւ զինծառայող, կրտսեր սերժանտ Հովիկ Նելսոնի Թամազյանը, գտնվելով մարտական դիրքում, մահացու վնասվածքներ էր ստացել ադրբեջանական սադրանքի հետևանքով:

armeniasputnik.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio

 

Պիտակ

Մեկնաբանություններ