Մայիս 06, 2021 11:32 Asia/Tehran
  • Երևանում մեկնարկել է Արա Այվազյանի և Սերգեյ Լավրովի առանձնազրույցը

ՀՀ արտաքին գործերի նախարարությունում մեկնարկել է ԱԳ նախարարի պաշտոնակատար Արա Այվազյանի և ՌԴ ԱԳ նախարար Սերգեյ Լավրովի առանձնազրույցը:

«Արմենպրես»-ի փոխանցմամբ՝ այս մասին հայտնում է Արտաքին գործերի նախարարության մամուլի խոսնակի «Ֆեյսբուքի» էջը:

«ՀՀ ԱԳ նախարարի պ.կ. Արա Այվազյանը և ՌԴ ԱԳ նախարար Սերգեյ Լավրովը միասին ժամանեցինի ՀՀ ԱԳՆ: Մեկնարկեց ՀՀ ԱԳ նախարարի պ.կ. Արա Այվազյանի և Սերգեյ Լավրովի առանձնազրույցը»,- ասված է հրապարակման մեջ:

Սերգեյ Լավրովը Հայաստան է ժամանել երկօրյա այցով:

Մայիսի 6-ին նախատեսված է նրա հանդիպումը ՀՀ վարչապետի պաշտոնակատար Նիկոլ Փաշինյանի հետ:

ՌԴ ԱԳՆ խոսնակ Մարիա Զախարովան հայտնել է, որ հանդիպումների ընթացքում նախատեսվում է հանգամանորեն քննարկել երկկողմ և տարածաշրջանային համագործակցությանն առնչվող հարցերի լայն շրջանակ, ինչպես նաև փոխգործակցությունը միջազգային հարթակներում: Զախարովան տեղեկացրել է, որ բանակցություններում քննարկման առաջնային թեման լինելու է Լեռնային Ղարաբաղի հարցով Հայաստանի, Ռուսաստանի և Ադրբեջանի ղեկավարների միջև 2020 թվականի նոյեմբերի 9-ին և 2021 թվականի հունվարի 11-ին ձեռք բերված պայմանավորվածությունները կյանքի կոչելը:

ՌԴ ԱԳ նախարար Սերգեյ Լավրովը մայիսի 9-10-ն աշխատանքային այցով կլինի Բաքվում:

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio

 

 

Պիտակ