Հունիս 14, 2021 10:51 Asia/Tehran
  • Ոսկանյան․ Առաջնայինը անվտանգության հարցն է՝ պետք է հաշվի առնել նաև Իրանի հզորացումը

«Պատիվ ունեմ» դաշինքի ներկայացուցիչ, իրանագետ Վարդան Ոսկանյանը հայտարարել է, որ անվտանգության ապահովումը դաշինքի համար ունի առաջնային նշանակություն՝ շեշտելով Իրանի դերը, որը հայտնի գործարքի կնքման հետևանքով Մերձավոր Արևելքում հանդես է գալու ավելի հզորացած կարգավիճակով։

Նա հավելել է, որ «Պատիվ ունեմ» դաշինքը նախատեսում է անվտանգային բոլոր կառույցների հզորացում՝ թե բանակի, թե այլ բաղադրիչների մասով։

«Երկրորդ ուղղությունը միջազգային գործընկերների հետ գերակտիվ դիվանագիտական և գործընկերային աշխատանքի հարթությունն է և այդ հարթության մեջ Իրանն ունի չափազանց կարևոր դերակատարություն»,-ասել է նա։

Նա նշել է՝ ակնհայտ է, որ իրանական կողմի համար 44-օրյա պատերազմի հետևանքներն ընդունելի չեն, քանի որ ի հայտ են եկել նոր մարտահրավերներ ու վտանգներ։

Ըստ Ոսկանյանի, ստեղծվել են որոշակի հնարավորություններ իրանական կողմի հետ ամրապնդելու ոչ միայն քաղաքական ու տնտեսական գործակցությունը, այլև այլ ոլորտներում՝ հակաահաբեկչական կամ ավելի լայն իմաստով Հայաստանի անվտանգության ապահովման ոլորտում։

Ոսկանյանը նաև մեծապես կարևորել է ՌԴ-ի հետ հարաբերությունների խորացումն ու ամրապնդումը՝ նոր որակ հաղորդելով դրանց։

Ըստ նրա, դաշինքը նաև նախատեսում է եռակողմ և բազմակողմ ձևաչափերի ստեղծում՝ ՀՀ-Իրան-Ռուսաստան, ՀՀ-Իրան-Հունաստան ձևաչափերի մասին։

Անդրադառնալով հունիսի 15-ին նախատեսվող Թուրքիայի նախագահ Ռեջեփ Թայիփ Էրդողանի այցին Շուշի, Ոսկանյանը սադրիչ է որակել այն՝ ՀՀ, Արցախի Հանրապետության, ինչպես նաև Իրանի և ՌԴ համար։

Խորհրդարանական արտահերթ ընտրությունները կայանալու են հունիսի 20-ին։

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio

 

 

 

Պիտակ