Հունվար 26, 2022 16:55 Asia/Tehran
  • Հայաստանի պաշտոնաթող նախագահը դատական պատասխանատվության կենթարկվի

Հայաստանի դատախազությունն հրաժարական տված նախագահի երկքաղաքացի լինելու հրապարակումն ուղարկել է Ազգային անվտանգության ծառայություն:

Ըստ Հայաստանի  դատախազության` հրապարակումն ԱԱԾ է փոխանցվել՝ նկատի ունենալով, որ Սարգսյանի երկքաղաքացիության փաստը թաքցնելու դեպքի առթիվ դեռևս 2021 թ. ապրիլին հարուցվել է քրեական գործ՝ փաստաթղթեր կեղծելու հատկանիշներով: Հրապարակումը հենց այս գործի շրջանակում կդառնա ստուգման առարկա:

«Հետք» լրատվական գործակալության տեղեկատվության համաձայն՝ ՀՀ  նախագահն ուներ Կարիբյան կղզիներում գտնվող  Սենթ Քիթս և Նևիսի անձնագիր, ինչը հաստատվել է Սարգսյանի հետ նամակագրության ընթացքում:

Սահմանադրության համաձայն՝ Հանրապետության նախագահին ներկայացվող պահանջներից է վերջին վեց տարում միայն Հայաստանի Հանրապետության քաղաքացի լինելն ու վերջին վեց տարում Հայաստանում մշտապես բնակվելը: