Նոյեմբեր 30, 2020 17:28 Asia/Tehran
  • Իրանում մեկ օրում կորոնավիրուսից մահացել է 371 մարդ

Իրանում անցած 24 ժամերի ընթացքում հաստատվել է կորոնավիրուսային հիվանդության ավելի քան 13 հազար նոր դեպք, մահացել է 371 մարդ: Այդ մասին հայտնել է Իրանի առողջապահության, բուժման և բժշկական կրթության նախարարության խոսնակը:

Նշելով, որ Իրանում կորոնավիրուսով վարակվածների ընդհանուր թիվը հասել է 962 հազար 70-ի, Առողջապահության նախարարության խոսնակ Սիմա Սադաթ Լարին հավելել է. «Ցավոք, անցած 24-ժամերի ընթացքում կորոնավիրուսից մահացել է 371 մարդ: Վարակի բռնկումից ի վեր մահացել է 48  հազար 246 մարդ»:

Աշխարհում  նոր տիպի կորոնավիրուսային վարակով՝ COVID-19-ով հիվանդների  թիվը հասել է  63 միլիոն 152 հազարի, որոնցից  առնվազն մեկ միլիոն 466 հազարը մահացել է,   ավելի քան  43 միլիոնն ապաքինվել:

ԱՄՆ-ում COVID-19-ով վարակման հաստատված դեպքերի թիվը կազմում է շուրջ14 միլիոն: Համավարակի զոհ է դարձել 273 հազար մարդ: Միացյալ Նահանգները վարակի տարածման ցուցանիշներով աշխարհում զբաղեցնում է առաջին տեղը: