Հունվար 16, 2021 16:09 Asia/Tehran

Իրանի իսլամական հեղափոխության պահապանների կորպուսի գլխավոր հրամանտարն ասել է.«Բալիստիկ հրթիռները,որոնք կարող են խոցել օվկիանոսում գտնվող թիրախները, Իրանի համար պաշտպանական մեծ ձեռքբերում են»:

Շաբաթ օրը Իրանի Կենտրոնական անապատում անցկացվող ԻՀՊԿ զորավարժության վերջին փուլի շրջանակներում, անդրադառնալով զորավարժության այս փուլի կայացման նպատակներին, գեներալ-մայոր Հոսեյն Սալամին հավելել է.«Պաշտպանական ռազմավարության ու քաղաքականության մեջ մեր կարևոր նպատակներից է հեռահար բալիստիկ հրթիռներով թիրախավորել թշնամու ռազմանավերը, ներառյալ ավիակիրները»:

ԻՀՊԿ  գլխավոր հրամանատարն ասել է. «Բալիստիկ հրթիռները, որոնցով կարող ենք մեր երկրի խորքերից թիրախավորել օվկիանոսում գտնվող շարժուն թիրախները, համարվում են պաշտպանական մեծ ձեռքբերում: Այս հրթիռները կատարելագործվել են Իսլամական հեղափոխության պահապանների կորպուսի ավիատիեզերական ուժերի կողմից»: 

Գեներալ Սալամին ընդգծել է.«Այսօր ականատեսը եղանք ԻՀՊԿ-ի ավիատիեզերական ուժերի հզոր զորավարժության՝ պաշտպանական քաղաքականության այս հատվածը գնահատման ենթարկելու և անհրաժեշտության դեպքում և իրական պայմաններում այն իրականացնելու նպատակով»: