Հունվար 27, 2021 15:18 Asia/Tehran
  • Ռոհանի. Եվրոպան չկատարեց իր խոստումները, սակայն եթե նրանք գործադրեն իրենց պարտավորությունները, մենք կվերադառնանք ՀԳՀԾ

Իրանի իսլամական հանրապետության նախագահն ասել է, որ ՀԳՀԾ Իրանի վերադարձի պայմանը ԱՄՆ-ի ու եվրոպական երկրների պարտավորությունների կատարումն է:

Չորեքշաբթի օրը  կայացած  կառավարության նիստում, նշելով, որ  բացառությամբ մի քանի երկրների, ամբողջ աշխարհը միանշանակ պահանջում է, որ ԱՄՆ-ը վերադառնա ՀԳՀԾով ստանձնած իր պարտավորություններին, ԻԻՀ նախագահը հավելել է. «Եթե նրանք վերադառնան իրենց պարտավորություններին, Իրանն անմիջապես կվերադառնա ՀԳՀԾ-ով ստանձնած  իր բոլոր պարտավորություններին»:

Ռոհանին նշել է, որ Իրանի դեմ թշնամու տնտեսական պատերազմը ձախողվել է, հավելելով. «Այսօր մենք համոզված ենք, որ թշնամու տնտեսական պատերազմը ձախողվել է և ապրում է իր վերջին օրերը:  և տարածաշրջանում Իրանի առևտրային համագործակցության պայմանները  փոխվել են»:

Անդրադառնալով Իրանի իսլամական հեղափոխության հաղթանակի 42-րդ տարեդարձին, Ռոհանին ասել է.«Նրանք, ովքեր վերջին մի քանի տարիների ընթացքում ահաբեկչությամբ և տնտեսական պատերազմով ցանկանում էին այս հեղափոխությունը ծնկի բերել, այսօր այլևս չկան»:

 

 

 

Պիտակ