Հունվար 19, 2022 08:19 Asia/Tehran
  • Խաթիբզադե. Եմենի շրջափակումը և այդ երկրի վրա հարձակումը ճգնաժամի լուծման ուղի չեն կարող լինել

ԻԻՀ ԱԳՆ խոսնակն ասել է, որ Եմենի շրջափակումը և այդ երկրի վրա հարձակումը ճգնաժամի լուծման ուղի չեն կարող լինել և միայն ավելի են սրելու տարածաշրջանի լարվածությունը:

Սաիդ Խաթիբզադեն հավելել է. «Իրանը մշտապես ընդգծել է Եմենի ժողովրդի շրջափակումը և պատերազմը դադարեցնելու, այդ երկրի ներքին գործերին չմիջամտելու և Եմենի տարածքային ամբողջականությունը հարգելու և ճգնաժամը քաղաքական ճանապարհով լուծելու  և հումանիտար աղետը կանխելու անհրաժեշտությունը»:

Անդրադառնալով տարածաշրջանում լարվածության աճին, Խաթիբզադեն ասել է. «Իրանը մշտապես ընդգծել է, որ տարածաշրջանային որևէ ճգնաժամի լուծումը չի կարող լինել պատերազմն ու բռնությունը, և միայն հանգիստ մթնոլորտում և լարվածության  թուլացումից հետո հնարավոր կլինի հույս ունենալ, որ տարածաշրջանում կհաստատվի խաղաղություն և կայունություն»:

Նշելով, որ Եմենի հարցն այդ երկրի ներքին խնդիրն է, Խաթիբզադեն հավելել է, որ Իրանը պատրաստ է  համագործակցել և մասնակցել ցանկացած նախաձեռնության, որը վերջ կդնի Եմենի յոթամյա պատերազմին:

Պիտակ