Հունվար 25, 2022 08:24 Asia/Tehran
  • Իրանը կարող է մասնակցել  ԼՂ վերականգնման ծրագրերին

ԻԻՀ ճանապարհների և քաղաքաշինության նախարարը հայտարարել է, որ Իրանը կարող է մասնակցել Լեռնային Ղարաբաղի վերականգնման ծրագրերին:

ԻՌՆԱ-ի հաղորդմամբ՝ Իրանի ճանապարհների և քաղաքաշինության նախարար և Իրան-Ադրբեջանիտնտեսական համագործակցության համատեղ հանձնաժողովի նախագահ Ռոստամ Ղասեմին և նրան ուղեկցող պատվիրակությունը, Ադրբեջան կատարած այցի ընթացքում, երկուշաբթի օրն այցելել են Լեռնային Ղարաբաղի որոշ ազատագրված տարածքներ և ծանոթացել  այդ տարածքների տրանսպորտային  ու ենթակառուցվածքային նախագծերին:

Այցի ընթացքում իրանական պատվիրակությանն ուղեկցել է Ադրբեջանի փոխվարչապետ և Ադրբեջան-Իրան տնտեսական համագործակցության համատեղ հանձնաժողովի նախագահ Շահին Մուստաֆաևը։

Պատվիրակությունը Թեհրանից ուղիղ թռիչքով ժամանել է ԼՂ, որտեղ ծանոթացել է  Ֆիզուլիի միջազգային օդանավակայանի շահագործման պայմաններին: Օդանավակայանը կառուցվել է անցյալ տարի՝ Ադրբեջանին տարածքների ազատագրումից հետո, 9 ամսվա ընթացքում և շահագործման հանձնվել 2021թ հոկտեմբերի 26-ին:

Երկօրյա այցի ընթացքում իրանական պատվիրակությունը կհանդիպի ադրբեջանցի պաշտոնյաների հետ՝ քննարկելու տնտեսական ոլորտում երկու երկրների համագործակցության զարգացման հեռանկարները։