Հունվար 25, 2022 17:47 Asia/Tehran
  • Իրանի և Ադրբեջանի  սահմանին ճանապարհային կամրջի կառուցման մասին համաձայնագիր է ստորագրվել

ԻԻՀ ճանապարհների և քաղաքաշինության նախարարի և նրան ուղեկցող պատվիրակության Ադրբեջան կատարած այցի երկրորդ օրը ստորագրվել է Աստարաչայ գետի վրա ճանապարհային կամուրջ կառուցելու մասին համաձայնագիրը: Այս մասին հաղորդում է ԻՌՆԱ լրատվական գործակալությունը:

Փաստաթուղթն այսօր Բաքվում ստորագրել են Ադրբեջանի  թվային զարգացման և տրանսպորտի փոխնախարար Ռահման Հեմաթովը և ԻԻՀ ճանապարհների ու քաղաքաշինության փոխնախարար Խեյրոլլահ Խադեմին։

Այսօր Իրանի ճանապարհների և քաղաքաշինության նախարար Ռոստամ Ղասեմիի և Ադրբեջանի Հանրապետության փոխվարչապետ Շահին Մուստաֆաևի ներկայությամբ տեղի է ունեցել Աստարաչայ գետի վրա գտնվող ճանապարհային կամրջի հիմնարկեքի արարողությունը։

Ադրբեջանի փոխվարչապետ Շահին Մուստաֆաևը փաստաթղթի ստորագրման արարողության ժամանակ հայտարարել է.«Ճանապարհային կամրջի շինարարությունը կավարտվի մինչև այս տարվա վերջ»:

«Ադրբեջանի նախագահը և կառավարությունը հատուկ  նշանակություն են տալիս Իրանի  հետ հարաբերությունների ընդլայնմանը»,- հավելել է Մուստաֆաևը։