Հունվար 26, 2022 10:29 Asia/Tehran
  • Իրանը և Կատարը ընդգծում են դիվանագիտության և երկխոսության ամրապնդման անհրաժեշտությունը

Իրանի և Կատարի ԱԳ նախարարներն ընդգծել են դիվանագիտության ու երկխոսության ամրապնդման անհրաժեշտությունը։

Հոսեյն Ամիր Աբդուլլահիանը և Մոհամմադ բեն Աբդուլ Ռահման Ալ Թանին, երեքշաբթի օրը կայացած հեռախոսազրույցում, քննարկել են երկկողմ հետաքրքրություն ներկայացնող մի շարք հարցեր, ինչպես նաև  տարածաշրջանային խնդիրները, և ընդգծել այդ խնդիրների լուծման նպատակով  դիվանագիտության և երկխոսության ամրապնդման անհրաժեշտությունը:  

Նախարարները քննարկել են տարածաշրջանում  խնդիրներն ու զարգացումները,  երկու երկրների միջև խորհրդակցությունների շարունակությունը և տարածաշրջանային և համաշխարհային խաղաղության ու կայունության պահպանման կարևորությունը:

Կողմերը քննարկել են նաև քաղաքական, տնտեսական և մշակութային տարբեր ոլորտներում երկկողմ հարաբերությունների հետագա զարգացման հետ կապված մի շարք հարցեր: