Մայիս 25, 2022 17:42 Asia/Tehran
  • ՌԴ-ն ու Իրանը պայմանավորվել են առավելագույնս ազգային արժույթներով հաշվարկների անցնել

Ռուսաստանն ու Իրանը պայմանավորվել են առավելագույնս ազգային արժույթներով հաշվարկների անցնել, քննարկել են Shetab և «Միր» վճարային քարտերի աշխատանքի հնարավորությունները։ Տեղեկությունը հայտնել է ՌԴ փոխվարչապետ Ալեքսանդր Նովակը:

Նա ասել է, որ առանցքային թեմաներից են դարձել երկրների միջև ֆինանսաբանկային փոխհարաբերությունները, փոխադարձ հաշվարկների համար պայմանների ստեղծումը և իրավաբանական անձանց, կազմակերպությունների միջև վճարումների ընդունումը:

«Կարևոր է, որ մենք պայմանավորվել ենք առավելագույնս ազգային արժույթներով հաշվարկների անցնել ու Կենտրոնական բանկերի հետ քննարկել ենք ֆինանսական հաղորդագրությունների փոխանցման համակարգի տարածումն ու աշխատանքը, ինչպես նաև վճարային քարտերի միացումն ու Shetab և «Միր» վճարային քարտերի աշխատանքի հնարավորությունները», - ավելացրել է փոխվարչապետը:

Նովակը նաև նշել է, որ առաջիկայում սպասվում է Իրանի Կենտրոնական բանկի ու ֆինանսների նախարարության ներկայացուցիչների այցը Մոսկվա։ Նրանք կշարունակեն քննարկել Ռուսաստանի հետ համագործակցությունը:

 

Պիտակ