Մայիս 26, 2022 18:40 Asia/Tehran

Դավոսում ընթացող Համաշխարհային տնտեսական ամենամյա ֆորումի շրջանակում ԻԻՀ ԱԳ նախարարն ընդգծել է.«Իսլամական հեղափոխության պահապանների կորպուսին ԱՄՆ-ի ահաբեկչական ցուցակում ընդգրկելու հարցը կողմնակի խնդիր է, որը մեծացվել է իսրայելական լոբբիի կողմից, և Իսլամական Հանրապետության համար առաջնահերթությունն Իրանի ժողովրդի շահերն են»:

Շվեյցարիայի  Դավոսում ընթացող Համաշխարհային տնտեսական ֆորումի  շրջանակում CNN-ի հետ զրույցում Իրանի արտգործնախարարն ասել է.«Բանակցությունները դադարեցնելու հիմնական պատճառն Իրանի շահագրգռվածությունն է,  օժտվելու  լիարժեք տնտեսական առավելություններով»:

Ամիր Աբդոլլահյանը հավելել է.«Մենք բազմաթիվ տեղեկություններ ունենք, որ սիոնիստները պատանդ են վերցրել ԱՄՆ-ի  արտաքին քաղաքականությունը»։

Նշելով, որ Իրանի արտաքին քաղաքականության մեջ ատոմային ռումբը տեղ չունի,Ամիր Աբդոլլահյանը  հավելել է.«Ատոմային էներգիայի գործակալությունը բազմիցս այցելել է իրանական կենտրոններ եւ հայտարարել, որ իրանցիները չեն ձգտում զենք ստեղծել»։

Իրանի արտգործնախարարն ասել է.«Մենք Սաուդյան Արաբիայի հետ պայմանավորվել ենք հանդիպել արտգործնախարարության պաշտոնյաների կամ արտգործնախարարների մակարդակով»։