Մայիս 27, 2022 08:11 Asia/Tehran

Իսլամական հեղափոխության գերագույն առաջնորդ այաթոլլահ Խամենեին ցավակցական ուղերձ է հղել Իրանի հարավ-արևմտյան Խուզեստան նահանգում շենքի փլուզման հետևանքով մի խումբ քաղաքաիների զոհվելու կապակցությամբ։

Իսլամական հեղափոխության գերագույն առաջնորդի ուղերձում ասված է.

«Հանուն Աստծու

Այս պահին առաջնահերթությունն  է Աբադանում տեղի ունեցած դժբախտ պատահարի զոհերի թիվը կրճատելու նպատակով բոլոր հնարավորություններն օգատգործելը և արագ գործողությունների ձեռնարկումն, ինչպես նաև դեպքի մեղավորներին պատասխանատվության ենթարկելը: Մեր երկրի բոլոր պաշտոնյաներն ու պատասխանատվուները պետք է համախմբված ջանքեր գործադրեն՝ նման դեպքերի կրկնությունը կանխելու համար:

Շնորհակալ եմ կառավարության պաշտոնյաներից՝ վերջին մի քանի օրերի աշխատանքի համար և պահանջում եմ այս հարցում դրսևորել լիակատար հետևողականություն ու լրջություն»:

Երկուշաբթի օրը փլուզում էր տեղի ունեցել Աբադանի Ամիրի փողոցում գտնվող «Մետրոպոլ» 10-հարկանի գրասենյակային-առևտրային շենքում:

Դեպքի հետևանքով զոհվել է առնվազն 19, վիրավորվել՝ 30 քաաղքացի:

Վթարի առաջին իսկ օրից փրկարարներն աշխատում են՝ փլատակների տակ մնացած քաղաքացիներին փրկելու ուղղությամբ: