Հունիս 22, 2022 18:59 Asia/Tehran
  • Թեհրանի համալսարանի ռեկտորը հանդիպել է ԵՊՀ ռեկտորի հետ

Երևանի պետական համալսարանի ռեկտորի հետ հանդիպման ժամանակ, Թեհրանի համալսարանի ռեկտորը հույս է հայտնել, որ Հայաստանում կգործարկվի Թեհրանի համալսարանի գիտատեխնոլորգիական պարկի մասնաճյուղը:

Երևանի պետական համալսարանի  ռեկտորի հետ հանդիպմանը, որը տեղի ունեցավ համալսարանի գիտխորհրդի նիստերի  դահլիճում, Թեհրանի համալսարանի  ռեկտոր Սեյեդ Մոհամմադ Մողիմին նշելով, որ Թեհրանի համալսարանի հետ գիտական ​​համագործակցության կազմակերպման առաջնահերթությունն է հարևան երկրների բուհերի հետ փոխգործակցությունը, ասել է.«Մենք պատրաստ ենք Երևանի պետական համալսարանի օգնությամբ համատեղ ուսումնական և կրթական ոլորտներ ստեղծել՝ Իրանի, Հայաստանի և տարածաշրջանի երկրների  հարաբերությունների մակարդակը բարձրացնելու համար»: 

Պարսից լեզվի ու գրականության զարգացումը Երևանի և Թեհրանի համալսարանների համագործակցության ուշադրության կենտրոնում պահելու Երևանի պետական համալսարանի ռեկտորի առաջարկությունից հետո, Մողիմին ասել է.«Գիտական ​​կապերի զարգացման գործում Թեհրանի համալսարանին հետաքրքրող ոլորներից մեկը  Հայաստանում պարսից լեզվի ու գրականության ամբիոնների ընդլայնումն է, և Իրանում հայոց լեզվի ավելի շատ ճանաչումն ու զարգացումը»։

Անդրադառնալով Լիբանանում, Իրաքում, Կատարում և Օմանում Թեհրանի համալսարանի մասնաճյուղ հիմնելու վերաբերյալ այդ երկրների դիմումին, Մողիմին ասել է.«Եթե ​​մենք ցանկանանք այլ երկրներում Թեհրանի համալսարանի մասնաճյուղ հիմնել, ապա Հայաստանը կլինի այդ երկրներից մեկը»:

ԵՊՀ-ի ռեկտոր Հովհաննես Հովհաննիսյանն ասել է.«Վերջին շրջանում միջազգային մասշտաբով մեծացել է  Երևանի պետական համալսարանում արևելագիտություն, ինչպես նաև պարսից լեզու և գրականություն սովորելու պահանջարկը»:

Հանդիպման ժամանակ Հովհաննիսյանն հավելել է.«Հայաստանում դրական ընկալում կա Իրանի և իրանցիների վերաբերյալ։ Հայ հասարակության ընկալումն այն է, որ մենք երկու բարեկամ և եղբայր ժողովուրդներ ենք»։