Հուլիս 05, 2022 08:32 Asia/Tehran
  • ԻԻՀ արտաքին քաղաքականության առաջնահերթությունը հարևանների հետ հարաբերությունների բարելավումն է

Իրանի սիլամական խորհրդարանի նախագահ Մոհամմադ Բաղեր Ղալիբաֆը Թեհրանում Ադրբեջանի ԱԳ նախարար Ջեյհուն Բայրամովի հետ հանդիպման ժամանակ, անդրադառնալով երկու երկրների մշակութային, կրոնական և տնտեսական ընդհանրություններին, ասել է, որ ԻԻՀ 13-րդ կառավարության և 11-րդ խորհրդարանի արտաքին քաղաքականության առանջահերթությունը հարևան երկրների հետ հարաբերությունների զարգացումն է:

Նա նշել է, որ ստեղծված իրավիճակում Արևմտյան Ասիայի և կովկասյան տարածաշրջանի բոլոր երկրները պետք է շարժվեն դեպի խաղաղություն և կայունություն, լուծելով ցանկացած հարց, որը կարող է վցնասել տարածաշրջանի անվտանգությանն ու խաղաղությանը:

Ընդգծելով, որ Սիոնիստական ​​ռեժիմի ներկայությունը ցանկացած տարածաշրջանում իր հետ բերում է անապահովություն՝ Ղալիբաֆը հավելել է, որ Իրանը զգայուն է հատկապես տարածաշրջանում այդ  ​​ռեժիմի ներկայության նկատմամբ։

Հանդիպմանն Ադրբեջանի ԱԳ նախարար Ջեյհոն Բայրամովն անդրադարձել է երկու երկրների միջև գազի փոխանակման համաձայնագրին և ասել, որ պետք է շարունակել համագործակցությունը ամբարտակների և հիդրոէլեկտրակայանների կառուցման ոլորտում։

Նշելով, որ Իրանի արտաքին քաղաքականությունը հիմնված է խաղաղության, կայունության և բարեկամության վրա բոլոր երկրների, այդ թվում՝ իր հարևանների հետ, Բայրամովն ասել է, որ Ադրբեջանը որևէ երկրի թույլ չի տա իր տարածքից  որևէ գործողություն կատարել Իսլամական Հանրապետության դեմ։