Հունիս 29, 2022 19:17 Asia/Tehran
  • Սիոնիստական ​​ռեժիմի ոստիկանների  և սահմանապահների շրջանում զանգվածային  հրաժարականներ են գրանցվել

Սիոնիստական Rotter Net կայքը երեքշաբթի օրը հայտնել է,որ Սիոնիստական ​​ռեժիմի ոստիկանները և սահմանապահները հրաժարական են տվել՝ ի նշան կենցաղային և աշխատանքային ծանր պայմանների դեմ բողոքի։

Ըստ հաղորդման՝ 2021 թվականին հրաժարական է տվել սահմանապահ ծառայության 114 սպա, իսկ այս տարվա սկզբից (2022 թ.)՝ եւս 71 սպա։

Այս  տարվա սկզբից հրաժարական է տվել նաև 400  ոստիկան, եւ կանխատեսվում է, որ մինչեւ տարեվերջ այդ թիվը կհասնի 1000-ի։

Կայքի փոխանցմամբ՝  հրաժարական տված ուժերի թիվն ավելի շատ է, քան ոստիկանությունում ներգրավված նորեկների թիվը, ինչը պատճառ է դարձել, որ Իսրայելի ոստիկանապետ Կոբի Շաբթային մտածի  ուսուցման ժամկետը կրճատելու մասին՝ 7 ամիսը դարձնելով 7 շաբաթ: 

Անցյալ շաբաթ սիոնիստական ​​լրատվամիջոցները հայտնել էին, որ օկուպացված տարածքների տարբեր քաղաքներում ծանր կենսապայմանների դեմ ակցիաներ են սկսվել՝ ի նշան բողոքի  ապրանքների, բնակարանների ու վարձավճարների գների կտրուկ աճի դեմ: