Հունվար 14, 2021 17:40 Asia/Tehran
  • Մեկնաբանություն.ԱՄՆ-ի նոր խափանարարությունը՝ Իրանում կորոնավիրուսի դեմ պայքարի ոլորտում

Միացյալ Նահանգները առավելագույն ճնշման քաղաքականության շրջանակներում 2018 թվականի մայիսին Համատեղ գործողությունների համապարփակ ծրագրից  դուրս գալուց ի վեր Իրանի նկատմամբ կիրառել է ամենախիստ միակողմանի պատժամիջոցները և շարունակել է այս անմարդկային քաղաքականությունը, նույնիսկ կորոնավիրուսի պանդեմիայի պայմաններում: Իր նախագահության վերջին օրերին Թրամփը նոր խոչընդոտ է ստեղծել Իրանի համար, կորոնավիրուսի դեմ պայքարի ոլորտում: 

Չնայած հաշված օրեր են մնացել Դոնալդ Թրամփի նախագահության ժամկետի ավարտին, հունվարի 13-ին  ԱՄՆ-ի գանձապետական դեպարտամենտը պատժամիջոցներ է սահմանել Իրանի երկու քաղաքացիների  և  16 կառույցների, այդ թվում Իրանում կորոնավիրուսի պատվաստանյութ արտադրող Բարեքաթ գիտելիքահենք ընկերության դեմ: Աստանե Ղոդս Ռազավին մեկն է այն կառույցներից, որը ներառվել է ԱՄՆ-ի հակաիրանական պատժամիջոցների ցուցակում: 

Թրամփի վարչակազմն Իրանի ժողովրդի նկատմամբ ճնշումները մեծացնելու  իր վերջին հուսահատ քայլով  «Բարաքաթ» գիտելիքահենք  ընկերությունը ներառել է  իր պատժամիջոցների ցանկում:

NPR-ի թղթակից Ջեկի Նորթամի խոսքով՝ԱՄՆ պատժամիջոցները ճնշում են գործադրել Իրանի տնտեսության վրա և վնասներ պատճառել երկրի առողջապահության ու բուժման համակարգերին:

Հաշվի առնելով այս հարցը, Թեհրանն իր ջանքերը կենտրոնացրել է կորոնավիրուսի դեմ իրանական  պատվաստանյութի  արտադրության վրա: Այս ոլորտում լայն գործունեություն են ծավալել իրանական 8 հաստատություններ, այդ թվում ՝ «Բարաքաթ» գիտելիք  ընկերությունը: Կորոնավիրուսի դեմ ամերիկյան և բրիտանական պատվաստանյութերի ներմուծումն արգելելու վերաբերյալ Իսլամական հեղափոխության մեծարգո առաջնորդ Այաթոլլահ Խամենեիի հստակ դիրքորոշումը անհանգստացրել է  Վաշինգտոնին: Մեծարգո առաջնորդի դիրքորոշումը  նշանակում է կասկածի տակ դնել Pfizer պատվաստանյութի արդյունավետությունը: Այժմ Թրամփի կառավարությունն Իրանից «վրեժ լուծելու» համար,   իրանական գիտելիքահենք ընկերության դեմ պատժամիջոցներ կիրառելով, փորձում է խափանել իրանական  պատվաստանյութի զանգվածային արտադրության գործընթացը:

Թեհրանը, Ռուսաստանը, Չինաստանը և Վենեսուելան բազմիցս ՄԱԿ-ին կոչ են արել ԱՄՆ-ին ստիպել հրաժարվել կորոնավիրուսի դեմ պայքարում դեղորայքի և բժշկական պարագների ներկրման ճանապարհին  խոչընդոտներ հարուցելուց: Սակայն Վաշինգտոնն ուշադրություն չդարձնելով այդ կոչերին, Թրամփի կառավարության վերջին ամիսներին նոր պատժամիջոցներ է սահմանել Իրանի դեմ:

ԱՄՆ գանձապետական դեպարտամենտի  նախկին բարձրաստիճան պաշտոնյա, ամերիկացի քաղաքագետ Էլիզաբեթ Ռոզենբերգի խոսքով՝ Իրանի նկատմամբ ԱՄՆ տնտեսական ճնշումներն ու պատժամիջոցները հատկապես ակնհայտ են այդ երկրի՝ բժշկական սարքավորումներին  դժվար հասանելիության հարցում:

Իրանի դեմ ԱՄՆ-ի կոշտ պատժամիջոցների  շարունակումը և Վաշինգտոնի կողմից կորոնավիրուսի դեմ պայքարում անհրաժեշտ դեղորայքին և բժշակական սարքավրումներին հասանելություն ունենալու  ճանապարհին սահմանափակումների կիրառումը պատճառ են դարձել, որ բարձրացվի Իրանի առողջապահական համակարգի դեմ ԱՄՆ-ի առավելագույն ճնշման հարցը: Թրամփի վարչակազմն այժմ Իրանի ժողովրդի նկատմամբ «տնտեսական ահաբեկչության» հետ մեկտեղ «բժշկական ահաբեկչություն» է իրականացնում՝ հանցանք գործելով ընդդեմ մարդկության: 

Պիտակ