Հուլիս 12, 2020 12:55 Asia/Tehran
  • Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց  հետո

Ռուսաստանի պաշտպանության նախարարությունը տեղեկացրել է, որ ռուսական կործանիչները Ճապոնական ծովի երկնքում նկատել են ԱՄՆ ռազմածովային ուժերի հետախույզ ինքնաթիռ:

Ալ-Ահդ կայքի փոխանցմամբ՝ Ռուսաստանի պաշտպանության նախարարությունը հրապարակել է հաղորդագրություն,որում նշել է.«Ռուսական հակաօդային պաշտպանության համակարգերը Ճապոնական ծովի երկնքում նկատել են ամերիկյան RC-135 օդանավերը, որից հետո օդ են բարձրացվել Սու-35 և ՄիԳ-31ԲՄ կործանիչները»:

ՌԴ պաշտպանության նախարարությունը հայտարարել է.«Ռուսական կործանիչները հետախույզ ինքնաթիռին ուղեկցել են  հեռավորությունից: Ավելի ուշ, երբ ամերիկյան ինքնաթիռը հեռացել է Ռուսաստանի սահմանից, կործանիչները վերադարձել են ավիաբազա»:

Ռուսաստանի պաշտպանության նախարարությունն ընդգծել է.«Ռուսաստանի օդուժի բոլոր չվերթներն իրականանում են օրենսդրությանը համապատասխան՝ երկրի օդային տարածքը պաշտպանելու համար»:

 

Պիտակ

Մեկնաբանություններ