Հունվար 20, 2021 17:03 Asia/Tehran
  • Շուշի քաղաքն առաջարկել են հայտարարել թյուրքական աշխարհի մշակութային մայրաքաղաք

Թյուրքական խորհուրդը (թյուրքական մշակույթի միջազգային կազմակերպություն) առաջարկել է Շուշի քաղաքը 2022 թվականին հայտարարել թյուրքական աշխարհի մշակութային մայրաքաղաք: Նման առաջարկով Ադրբեջանի նախագահ Իլհամ Ալիեւի հետ հանդիպման ժամանակ հանդես է եկել կազմակերպության գլխավոր քարտուղար Բաղդադ Ամրեեւը, հաղորդում է Ալիեւի մամուլի ծառայությունը:

«Մենք ամեն տարի հայտարարում ենք թյուրքական աշխարհի մայրաքաղաք: Առաջարկում ենք 2022 թվականին մայրաքաղաք հռչակել Շուշի քաղաքը: Դա կընդգծի ողջ թյուրքական եւ իսլամական աշխարհի համար Շուշի քաղաքի նշանակությունը: Մենք կսկսենք այդ աշխատանքը, 2022 թվականին մոտ 20 միջոցառում կանցկացվի Շուշիում: Վստահ եմ, որ մինչ այդ Շուշին կվերականգնվի եւ իր նախկին տեսքը կունենա»,-ասել է նա:

2009 թվականին ստեղծված Թյուրքական խորհուրդը միջազգային կազմակերպություն է, որը միավորում է ժամանակակից թյուրքական պետություններին, որոնք գլխավոր նպատակն է զարգացնել միմյանց հետ բազմակողմանի համագործակցությունը: Խորհրդի կազմում են Ադրբեջանը, Ղազախստանը, Ղրղզստանը, Թուրքիան եւ Ուզբեկստանը, որպես դիտորդ մասնակցում է Հունգարիան:

news.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio

 

 

Պիտակ