Հունվար 22, 2021 11:47 Asia/Tehran
  • Բայդենի կառավարությունը կերկարաձգի «Նոր Ստարտ» պայմանագիրը

Հինգշաբթի երեկոյան Սպիտակ տան խոսնակը հայտարարեց, որ Միացյալ Նահանգները մտադիր է երկարաձգել Ռուսաստանի հետ «Նոր Ստարտ» պամանագիրը:

Ջեյն Փսակին հայտարարել է, որ ԱՄՆ նորնտիր նախագահ Ջո Բայդենի կառավարությունը ցանկանում է ևս հինգ տարով երկարաձգել «Նոր Ստարտ» պայմանագիրը:

Սպիտակ տան խոսնակը Ռուսաստանի դեմ մեղադրանք հնչեցնելով, հավելել է, որ «Նոր Ստարտ»-ը միակ պայմանագիրն է, որը վերաբերում է  ՌԴ միջուկային ուժին:

Ռուսաստանի կառավարությունը վերջերս ԱՄՆ նախորդ վարչակազմին նախազգուշացրել էր, որ «նոր Ստարտ» պայմանագրի գործողության ժամկետը լրանում է:

ԱՄՆ նախկին նախագահ Դոնալդ Թրամփի վարչակազմը, որը միշտ ձգտում էր դուրս գալ երկկողմ և բազմակողմ պայմանագրերից և համաձայնագրերից,  հայտարարել էր, որ Վաշինգտոնը պատրաստ է միայն «որոշակի պայմաններով» երկարաձգել  պայմանագիրը:

Այս պայմանագրի ժամկետը լրանում է 2021 թվականի փետրվարին:

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio