Հունվար 27, 2021 17:01 Asia/Tehran
  • Բայդենի վարչակազմը կվերանայի Միջազգային քրեական դատարանի  պաշտոնյաների նկատմամբ  պատժամիջոցներ կիրառելու հարցը

ԱՄՆ Պետդեպարտամենտի խոսնակը տեղեկացրել է Միջազգային քրեական դատարանի պաշտոնյաների նկատմամբ Վաշինգտոնի սահմանած պատժամիջոցները վերանայելու այդ երկրի վարչակազմի որոշման մասին:

Reuters լրատվական գործակալության հաղորդման համաձայն՝ ԱՄՆ Պետդեպարտամենտի խոսնակն ասել է. «Չնայած ԱՄՆ-ն դեմ է հանդես եկել  Աֆղանստանում քաղաքացիների դեմ ամերիկացի զինծառայողների   և Հորդանան գետի ափին ու Գազայի հատվածում պաղեստինցիների դեմ Սիոնիստական ռեժիմի  ռազմական հանցագործությունների վերաբերյալ Միջազգային քրեական դատարանի  քայլերին, ԱՄՆ-ի պատժամիջոցները ամբողջությամբ կվերանայվեն»:

Հաագայի միջազգային քրեական դատարանի պաշտոնատար անձանց նկատմամբ ԱՄՆ-ի պատժամիջոցները  կիրառվել են 2020 թվականի հունիսի 11-ին՝ Աֆղանստանում ամերիկացի զինծառայողների կողմից խաղաղ բնակիչների դեմ կատարված հնարավոր հանցագործությունները հետաքննելու  պատճառով:

ԱՄՆ նախկին վարչակազմի պաշտոնատարները բացասաբար էին արձագանքել Հորդանան գետի արևմտյան ափին և Գազայի հատվածում Սիոնիստական ռեժիմի պատերազմական հանցագործությունները հետաքննելու Հաագայի դատարանի գլխավոր դատախազ  Ֆատու Բենսուդայի ջանքերին:

Պիտակ