Հունիս 11, 2021 18:50 Asia/Tehran
  • Պոմպեոյի հայտարարություններն արաբների ու Իսրայելի հարաբերությունների կարգավորման մասին

ԱՄՆ-ի նախկին պետքարտուղարը խոստովանել է, որ ԻՀՊԿ-ի Ղոդս ստորաբաժանման հրամանատարի սպանությունն ու ԱՄԷ-ին ամերիկյան կործանիչները վաճառքը դերակատար են եղել Թել Ավիվի ու արաբական որոշ երկրների հարաբերությունների կարգավորման հարցում:

Սիոնիստական «Եդիոթ Ահարոնոթ» օրաթերթին տված հարցազրույցում Մայք Պոմպեոն անդրադարձել է տարբեր, այդ թվում Թել Ավիվի ու արաբական որոշ երկրների հարաբերությունների կարգավորման ու  ԻՀՊԿ-ի Ղոդս ստորաբաժանման հրամանատար գեներալ Ղասեմ Սոլեյմանիի սպանության խնդիրներին:

Հղում անելով  «Եդիոթ Ահարոնոթ» օրաթերթինբ «Ռայ Ալ-Յոմ»-ը գրել է, որ ԱՄՆ-ի նախկին պետքարտուղարը հաստատել է այն փաստը, որ ԱՄԷ-ին F-35 կործանիչների վաճառքը հատուկ դեր է ունեցել Թել Ավիվի ու Աբու Դաբիի միջև հարաբերությունների կարգավորման համաձայնագրի ստորագրման հարցում: Այն եղել է համաձայնության ստորագրման հիմնական պայմաններից մեկը:

ԱՄՆ-ի մեծ թվով պաշտոնյաներ նախկինում հերքել էին Աբու Դաբիին F-35 կործանիչների վաճառքի և Իսրայելի հետ հարաբերությունների կարգավորման կապը: