Մտահոգություններ Բաքվին ԱՄՆ ռազմական օգնության վերաբերյալ
ԱՄՆ-ի մի քանի բարձրաստիճան օրենսդիրներ մտահոգություն են հայտնել Ադրբեջանին ամերիկյան արտադրության ռազմական տեխնիկայի հնարավոր վաճառքի և տարածաշրջանում առկա անհավասարակշիռ իրավիճակի վերաբերյալ:
ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը և Ներկայացուցիչների պալատի հետախուզության հանձնաժողովի նախագահ Ադամ Շիֆը կտրուկ են արձագանքել Բաքվին տրամադրվող ռազմական օգնության սահմանափակումները վերացնելու ԱՄՆ նախագահ Ջո Բայդենի որոշմանը։
Անդրադառնալով Լեռնային Ղարաբաղում Ադրբեջանի Հանրապետության և Հայաստանի միջև առկա հակամարտությանը՝ Բոբ Մենենդեսը հավելել է.«Ես կշարունակեմ ուշադիր հետևել Ադրբեջանին տրամադրվող ցանկացած օգնությանը և ակնկալում եմ, որ արտաքին գործերի նախարարությունը կգործի լիարժեք թափանցիկությամբ»։
Ադամ Շիֆը նաև ասել է, որ ԱՄՆ-ը ոչ մի դեպքում չպետք է ռազմական աջակցություն ցուցաբերի Ադրբեջանի Հանրապետությանը։
