Pars Today

Հանուն գթած և ողորմած Աստծո։Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս » հաղորդումը, Ղուրանի մատչելի մեկնաբանությամբ:

Աստծո կամոք ավարտեցինք Մարիամ սուրահը և այս հաղորդման ընթացքում ներկայացնելու ենք Թա Հա սուրահը, որը Ղուրանի 20-րդ սուրահն է: Նախ ներկայացնենք սուրահի առաջին այաները:

Թա Հա սուրահի առաջին և երկրորդ այաներ

طه

مَا أَنزَلْنَا عَلَیْکَ الْقُرْآنَ لِتَشْقَى

Թա, Հա։

Մենք Ղուրանը չուղարկեցինք, որ դժվարությունների մեջ ընկնես:

Այս սուրահը նույնպես սկսվում է  հնչյուններով, ինչպես Բաղարա սուրահը, որը սկսվում է  Ալեֆ, Լամ, Միմ հնչյուններով: Ինչպես արդեն նշել ենք, այս հնչյունները Ղուրանի գաղտնի հնչյուններն են, որոնք կբացահայտվեն այն ժամանակ, երբ Աստված ցանկանա: Եվ այդ ժամանակ ավելի լավ կսահկանանք Ղուրանի հրաշագործությունը: Որոշ աղբյուրներում անդրադառարձ է կատարվել այս հարցին: Այս սուրահը սկսվում է  Թա Հա հնչյուններով և հենց նույն անունով էլ անվանվել է: Ինչպես նշվում է  որոշ աղբյուրներում, Թա Հան իսլամի մարգարեի գաղտնի անուններից է եղել: Ուստի այս այայից հետո, սուրահը շարունակվում է, դիմելով մարգարեին:  

Հաջորդ այան ասում է  Ղուրանը, քեզ չենք ուղարկել  որ դժվարության մեջ հայտնվես: Ասում են, որ մարգարեն գիշերներն այնքան էր նամազ անում ու Ղուրան կարդում, որ նրա ոտքերն ուռում էին: Աստվածային այաները տարածելիս նույնպես նա այնքան սիրով ու ոգևորությամբ էր դա անում, որ դժվարություններ էր ունենում: Այան, դիմելով մարգարեին, ասում է. Ինչու ես  այդքան տանջում քեզ:

Այս այաներից սովորում ենք․

1.  Աստված չի ցանկանում, որ իր արարածներն իրենց կրոնական պարտականությունները  կատարելիս դժվարությունների առջև կանգնեն:

2. Ղուրանը չի հայտնվել, որպեսզի դժվարացնի մարդկանց կյանքը: Յուրաքանչյուր ոք իր պարտականությունները պետք է կատարի ըստ իր հնարավորությունների:

Թա Հա սուրայի 3 –րդ և 4-րդ այաներ

إِلَّا تَذْکِرَةً لِّمَن یَخْشَى

تَنزِیلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى

 

Այն ուղարկեցինք (Աստծուց) երկնչողների համար՝ որպես հորդոր:

(Ղուրանն) ուղարկված է Նրա կողմից, ով ստեղծել է երկիրը և բարձրացրել երկինքները:

Նախորդ այաները, դիմելով մարգարեին, ասել էին. «Կրոնը քարոզելու համար քեզ մի չարչարիր»: Այս այաներն ասում են . «Որովհետև այս այաներից դաս են քաղում միայն նրանք, ովքեր վախենում են մոլորվելուց: Պետք է ասել, որ կրոնական ճշմարտությունները գոյություն ունեն յուրաքանչյուր մարդու մեջ: Մարդը ծնվում է  Աստծո նկատմամբ հավատքով: Ուրեմն յուրաքաչնյուր մարդ պետք է այդ հավատքը գտնի իր խղճի մեջ: Ուստի Ղուրանի այաները վերհիշեցնում են այդ ճշմարտությունը, թույլ չտալով, որ մարդը մոլորվի:

Այս այաներից սովորում ենք․

1. Մարդը մշտապես կարիք ունի նախազգուշացման և Ղուրանը դրա համար լավագույն միջոցն է:

2. Նրանք, ովքեր մտահոգություն ունեն  և պատասխանատու են զգում իրենց արարքի դիմաց, հեռու են մնում մոլորությունից, դաս քաղելով Ղուրանի այաներից:

3. Ղուրանն իջեցրել է տիեզերքի արարիչը:Եվ այսպիսով արարչությունն ու օրենսդրությունը բխում են նույն կենտրոնից։

Թա Հա սուրայի 5 և 6-րդ այաներ

الرَّحْمَنُ عَلَى الْعَرْشِ اسْتَوَى

لَهُ مَا فِی السَّمَاوَاتِ وَمَا فِی الْأَرْضِ وَمَا بَیْنَهُمَا وَمَا تَحْتَ الثَّرَى

Ողորմած Աստծո (կողմից), որ նստած է Իր գահի վրա:

Երկինքներն ու երկիրը և այն, ինչ երկրում է ու այս երկուսի մեջ, և այն ինչ հողի ընդերքում է, Իրեն են պատկանում:

Նախորդ այաներն Աստծուն ներկայացնում են որպես երկրի ու երկնքի արարիչ: Այս այաներն ասում են, որ նա ոչ միայն արարիչ է, այլ ողջ տիեզերքն Նրա  կամքով է կառավարվում: Այստեղ խոսվում է նաև Աստծո թագավորության մասին: Այս այաները խոսում են այն մասին, թե Աստված  ինչպես է տիրապետում ողջ տիեզերքի վրա և քանի որ աստվածային թագավորությունն անսահման գթության աղբյուր է, այս այաներում Աստված որպես գթած է ներկայացվել։

Այս այաներից սովորում ենք․

1. Ողջ տիեզերքն ու մարդկանց կյանքը կառավարվում են Աստծո գթությամբ:

2. Աստված տիրապետում է  ողջ տիեզերքին հավասարապես և բոլորը նրան են ենթարկվում:

Աստված Ձեզ պահապան։