Հունվար 10, 2021 08:14 Asia/Yerevan

Հանուն գթած և ողորմած Աստծո։Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս » հաղորդումը, Ղուրանի մատչելի մեկնաբանությամբ:

Թա Հա սուրահի 37-39-րդ այաներ

وَلَقَدْ مَنَنَّا عَلَیْکَ مَرَّةً أُخْرَى

إِذْ أَوْحَیْنَا إِلَى أُمِّکَ مَا یُوحَى

أَنِ اقْذِفِیهِ فِی التَّابُوتِ فَاقْذِفِیهِ فِی الْیَمِّ فَلْیُلْقِهِ الْیَمُّ بِالسَّاحِلِ یَأْخُذْهُ عَدُوٌّ لِّی وَعَدُوٌّ لَّهُ وَأَلْقَیْتُ عَلَیْکَ مَحَبَّةً مِّنِّی وَلِتُصْنَعَ عَلَى عَیْنِی

 

Նախկինում քեզ ցույց էինք տվել Մեր գթության ապացույցները:

Երբ մորդ հայտնեցինք այն, ինչ պիտի հայտնեինք:

Որդուդ մի կողովի մեջ դիր, ու թող նա լողա Նեղոսի ջրերի վրայով: Նեղոսը նրան դեպի ծովը կտանի, և Իմ ու նրա թշնամին որդուդ կհանի ծովից: Ու Ես որդուդ հանդեպ սեր կներշնչեմ նրան: Նա պիտի մեծանա իմ հովանավորությամբ:

Այս այաները, դիմելով Մովսեսին, ասում են. Մենք անցյալում նույնպես աջակցեցինք քեզ, որպեսզի Փարավոնի պալատ գնաս: Այդ ժամանակ Փարավոնը պատվիրել էր սպանել բոլոր նորածին տղաներին: Մենք քո մորը ներշնչեցինք, որ քեզ դնի ծղոտից արկղի մեջ ու հանձնի գետի ջրին: Ապա գետին պատվիրեցինք, որ քեզ առողջ հասցնի մինչև փարավոնի պալատ: Այնտեղ, փարավոնին ու նրա կնոջը բերեցինք գետի մոտ, որպեսզի քեզ գտնեն ջրում ու ընդունեն որպես իրենց զավակը: Սակայն դու նրանց թշնամին էիր ու նրանք քեզ մեծացրեցին: Այս ամենը գթություն էր քո նկատմամբ, որպեսզի փրկվես մահից»:

Այս այաներից սովորում ենք․

1. Աստծո կամքն իշխում է  ամեն ինչի վրա: Ինչպես որ փարավոնը չէր ցանկանում, որ Մովսեսը ծնվեր, սակայն Աստծո կամքով, նա մեծացավ հենց փարավոնի տանը:

2. Աստված այնպես է անում, որ մարդիկ սիրեն իրենց մարգարեներին:

 

Թա Հա սուրահի 40-րդ այա

إِذْ تَمْشِی أُخْتُکَ فَتَقُولُ هَلْ أَدُلُّکُمْ عَلَى مَن یَکْفُلُهُ فَرَجَعْنَاکَ إِلَى أُمِّکَ کَیْ تَقَرَّ عَیْنُهَا وَلَا تَحْزَنَ وَقَتَلْتَ نَفْسًا فَنَجَّیْنَاکَ مِنَ الْغَمِّ وَفَتَنَّاکَ فُتُونًا فَلَبِثْتَ سِنِینَ فِی أَهْلِ مَدْیَنَ ثُمَّ جِئْتَ عَلَى قَدَرٍ یَا مُوسَى

Մի օր քույրդ պտտվում էր գետի մոտ: Նա ասաց. «Կուզե՞ք, որ ձեզ համար մի ստնտու նշանակեմ»: Մենք քեզ վերադարձրինք մորդ մոտ, որպեսզի նրա սիրտը հանգստանա, ու արցունքները չորանան: Դու սպանեցիր մի եգիպտացու, բայց մենք քեզ ազատեցինք պատժից ու հետո մի քանի անգամ փորձության ենթարկեցինք: Դու երկար տարիներ բնակվեցիր մադենականների մեջ ու հետո եկար այստեղ՝ հնազանդվելով Իմ հրամանին:

Մովսեսի կյանքում մի քանի կանայք կարևոր դերակատարություն են ունեցել: Նրանցից մեկը Մովսեսի մայրն էր, ով Աստծո հրամանով Մովսեսին գցեց գետը: Երկրորդը նրա քույրն էր, որ գնաց փարավոնի պալատ և այնպես արեց, որ իր մայրը դառնա Մովսեսի խնամակալը; Նրա կինը, ով մշտապես եղել  է Մովսեսի կողքին և փարավոնի կինը` Ասիեն, ով մեծ դեր կատարեց Մովսեսի կյանքում: Նա թույլ չտվեց, որ փարավոնը սպանի երեխային, փրկելով Մովսեսի կյանքը: Իհարկե Աստված ցանկանում էր Մովսեսին դարձնել Իսրայելի ժողովրդի առաջնորդը: Եվ նրան տարբեր ձևերով փորձում էր , որպեսզի պատրաստի այդ առաքելության համար: Այնուհետև Աստված նրան վերադարձրեց  Եգիպտոս: Երիտասարդ ժամանակ Մովսեսի համար տեղի են ունենում տարբեր դեպքեր: Օրինակ մի անգամ նա ճանապարհին տեսնում է  երկու հոգու, որ կռվում էին: Նրանցից մեկը եգիպտացի էր, մյուսը` փարավոնի կողմնակիցներից: Մովսեսը հարվածում է  փարավոնի կողմնակցին ու սպանում նրան: Այդ պատճառով, Մովսեսը Եգիպտոսից փախչում է  և գնում Մադիան, որտեղ ամուսնանում է  Շոայբի դստեր հետ: Այս մասին խոսվում է նաև Ղեսաս սուրահում:

Այս այայից սովորում ենք․

1. Աստված հատուկ տեղ է տվել մորը: Ուստի արարիչը հնարավորություն ստեղծեց, որպեսզի Մովսեսը վերադառնա իր մոր մոտ:

2. Աստծո մարդիկ ծանր պարտականություն ստանալու համար անցնում են դժվար փորձություններից:

 

Թա Հա սուրահի 41 և 42-րդ այաներ

وَاصْطَنَعْتُکَ لِنَفْسِی 

اذْهَبْ أَنتَ وَ أَخُوکَ بِآیَاتِی وَلَا تَنیَا فِی ذِکْرِی

Ես քեզ ընտրեցի, որպեսզի կատարես Իմ կամքը:

Գնացե՛ք, դու և եղբայրդ՝ հրաշք գործելու կարողությամբ օժտված, ու ինձ մի մոռացեք:

 

Այս այաներում Աստված ցույց է տալիս Մովսեսի նկատմամբ իր անսահման գթությունն, ասելով. Այն բոլոր դժվարությունները որ կրել ես, նրա համար են, որ կոփվես ու կատարես մեր պահանջները: Հիմա ամեն ինչ պատրաստ է քո առաքելության համար: Ուրեմն եղբորդ հետ ճանապարհվիր, որպեսզի իմ խոսքը տարածես ու հրաշքներ գործես: Ճանապահին ոչ մի բանի վրա չկասկածես, ու թող ոչ մի բան քեզ չթուլացնի, որովհետև ես քո կողքին եմ ու աջակցում եմ քեզ:

Այս այաներից սովորում ենք․

1. Մարգարեները սովորական մարդիկ չեն: Նրանք ծնված օրից դաստիարակվում են Աստծո հսկողությամբ, որպեսզի կարողանան ընդունել ծանր պարտականություններ:

2. Աստծո մարդկանց հաջողության գաղտնիքը կայանում է նրանում, որ նրանք ուշադիր են արարչին, ուստի ամենայն քաջությամբ առաջ են գնում ու ոչնչից չեն վախենում :

Աստված Ձեզ պահապան։

Պիտակ