Հունիս 02, 2022 06:09 Asia/Yerevan
  • Ելք դեպի լույս 692

Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Նամլ սուրահի 86-րդ այա

أَلَمْ یَرَوْا أَنَّا جَعَلْنَا اللَّیْلَ لِیَسْکُنُوا فِیهِ وَالنَّهَارَ مُبْصِرًا ۚ إِنَّ فِی ذَٰلِکَ لَآیَاتٍ لِقَوْمٍ یُؤْمِنُونَ

Չե՞ն տեսել արդյոք, որ մենք հաստատեցինք գիշերը հանգստանալու համար և ցերեկը` աշխատելու: Անտարակույս, այս բոլորը նշաններ են հավատացյալ ժողովրդի համար:

Նախորդ հաղորդման ժամանակ խոսեցինք հարության մասին, ասելով, որ նրանք, ովքեր հարությունը չեն ընդունում, պետք է հրաժարվեն այդ մտքից: Այս այան խոսում է  աստվածային ուժի դրսևորումների մասին, ասելով. «Արդյոք դուք ուշադիր եղե՞լ եք, որ եթե երկիրը մշտապես լուսավոր լիներ, ինչպես էիք կարող հանգստանալ: Իսկ եթե այն մշտապես խավարի մեջ լիներ, ինչպե՞ս էիք դուք աշխատելու և ինչպես էին աճելու բույսերն ու ծառերը: Արդյոք երկիր մոլորակի պտույտը, որ կարգավորում է ձեր կյանքը, պատահական երևո՞ւյթ է: Այսօր գիտականորեն ապացուցվել է, որ գիշերային մթությունը հանգստացնում է  մարդուն, իսկ առավոտվա լույսը մեծ ազդեցություն է ունենում նրա աշխուժության վրա: Ղուրանն այս մասին խոսելով, դիմում է  արդարամիտ մարդկանց, նախազգուշացնելով, որ իրենց շուրջը նայելով, հավատան Բարձրյալի ուժին ու իմաստությանը և հավատան հարության օրվան:

Այս այայից սովորում ենք.

1. Գիշերն ու ցերեկն Արարչի իմաստնության դրսևորումներից են և պետք է այս կապակցությամբ ավելի ուշադիր լինենք:

2. Այս այաները գիշերվա քնելու և առավոտվա արթնանալու մասին են, որպեսզի մենք այս աշխարհում ամեն օր տեսնենք, թե մարդն ինչպես է ամեն օր մահանում ու արթնանում:

3. Մարդու առօրյա կյանքը պետք է համահունչ լինի բնության համակարգին: Գիշերը քնելու համար է իսկ ցերեկն՝ աշխատելու: Իսկ քիչ քնելը կարող է վնասել մեր առողջությանը:

 

Նամլ սուրահի 87-րդ այա

 

وَیَوْمَ یُنْفَخُ فِی الصُّورِ فَفَزِعَ مَنْ فِی السَّمَاوَاتِ وَمَنْ فِی الْأَرْضِ إِلَّا مَنْ شَاءَ اللَّهُ ۚ وَکُلٌّ أَتَوْهُ دَاخِرِینَ

Այն օրը, երբ հնչի փողը, երկինքներում ու երկրի վրա գտնվող ամեն ինչ սոսկումից պիտի դողա՝ բացառությամբ նրանց, որոնք Աստծու ընտրյալներն են: Բոլորը խոնարհությամբ պիտի կանգնեն Իր առաջ:

 

Այս այան նույնպես անդրադառնալով հարության խնդրին, ասում է, որ շեփորը հնչելու է երկու անգամ: Առաջին անգամ աշխարհի ավարտին, որպեսզի մարդիկ լսեն այդ ձայնն ու սարսափից մեռնեն: Երկրորդ անգամ, շեփորը հնչում է հարության օրը և մեռածները վերակենդանանում են ու ներկայանում Աստծու առաջ: Ինչպես ասում է այս այան, երբ  շեփորը փչում է, բոլոր մարդիկ սարսափահար են լինում: Սակայն բարի մարդիկ ու հրեշտակները բացառություն են կազմում: Ինչպես ասվում է հետագայում, նրանք ապրում են խաղաղության մեջ: Իհարկե, այդ ժամանակ և առաքինի մարդիկ և չարագործները, միաժամանակ մահանում են, քանի որ բոլորը պետք է խոնարհվեն Աստծու կամքի առջև և լսելով շեփորի երկրորդ ձայնը, կանգնեն Նրա առջև:

Մեկնաբանությունների համաձայն, շեփորը փչող հրեշտակն Էսրաֆիլն է:

Այս այայից սովորում ենք.

1. Ըստ Ղուրանի, այս կյանքի համակարգը և մարդկանց ու երկնային էակների մահը, տեղի է ունենալու միաժամանակ՝ սարսափելի ձայնը լսելուց հետո:

2. Երկնքում նույնպես գոյություն ունեն կենդանի էակներ, որ երկրայինների նման, մի օր մահանալու են:

 

Նամլ սուրահի 88-րդ այա

 

وَتَرَى الْجِبَالَ تَحْسَبُهَا جَامِدَةً وَهِیَ تَمُرُّ مَرَّ السَّحَابِ ۚ صُنْعَ اللَّهِ الَّذِی أَتْقَنَ کُلَّ شَیْءٍ ۚ إِنَّهُ خَبِیرٌ بِمَا تَفْعَلُونَ

Դու տեսնում ես լեռներ, որ թվում է՝ անշարժ են, սակայն ամպի նման շարժվում են: Սա Աստծու արարչագործությունն է, Ով ամեն ինչ իմաստնությամբ է կարգադրել և տեղյակ է մահկանացուների արարքներին:

 

Այս այան խոսում է աստվածային  հրաշագործությունների մասին: Այն ասում է . «Դուք կարծում եք, թե լեռներն անշարժ են, սակայն դրանք էլ ամպերի նման, դանդաղ շարժվում են: Դա աստվածային հրաշագործություններից է և երբ մոլորակը պտտվում է , մարդն այդ շարժը չի զգում: Պատմության ընթացքում, մարդիկ կարծում էին, թե երկիրն անշարժ է և արևն ու լուսինը պտտվում էին երկրի շուրջը:

 

Այս այայից սովորում ենք.

1. Լեռների շարժումը չի կարելի առանձնացնել երկրի շարժումից:

2. Ղուրանը Գալիլեյից 1000 տարի առաջ ասել է, որ երկիր մոլորակը շարժվում է:

3. Լեռների շարժումն ամպերի շարժման նման արագ է, իսկ երկրի խաղաղ վիճակը, հակառակ դրա արագ շարժման, Աստծու հրաշքներից է:

4. Ղուրանի տեսակետից, այն ամենն ինչ ստեղծել է Աստված, անթերի է:

 

Պիտակ